Choose language:

Ознака: <span>Mакедонско друштво “Илинден“-Тирана</span>

Mакедонско друштво “Илинден“-Тирана додели Награда “Илинден” и Благодарница “Илинден” по повод тринаесетгодишнината

Mакедонско друштво “Илинден“-Тирана ги додели годинешните награда “Илинден” и благодарница “Илинден” По повод тринаесетгодишнината од основањето и плодната работа на Mакедонско друштво “Илинден“-Тирана, неговите Управни органи и претседателот г-дин Никола Ѓурѓај, донесоа Одлука за доделување на Благодарници “Илинден” и Награда “Илинден”. Благодарниците и наградата се доделуваат на лица за нивните особени заслуги за ангажман и перманентните активноси во насока на зачувување и одржување на македонскиот идентитет на припадниците на македонското национално малцинство во Република Албанија. Така и оваа година беа предложени повеќе лица за добивање на благодарница “Илинден” и награда “Илинден”. Од предложените беа избрани лица, кои со својот ангажман придонеле за подобрување и дисперзија на сознанијата за животот, историјата, културата и зачувување на автентичната македонска традиција на македонското население во Албанија. Благодарницата и наградата “Илинден” ги доделува и врачува лично претседателот на Mакедонско друштво “Илинден“-Тирана.

Оваа година Награда “Илинден”му се доделува на:

  1. Македонско меѓународно движење за човекови права (ММДЧП) – Канада
  2. Проф. д-р  Данчо Марковски – Амбасадор на Репубика Македонија во Тирана, Република Албанија
  3. Г-дин Халит Хабип Оглу – Потпреседател на Федералната Унија на Европските Националности (ФУЕН) и Претседател на Федерацијата на Турците од Западна Тракија во Европа – Витен, Германија

Оваа година Благодарница “Илинден” се доделува на:

  1. Проф. д-р Кимет Фетаху – Претседател на Македонско политичко друштво “Мир”, еден од првите активисти на Македонците во Република Албанија со потекло од областа на Голо Брдо
  2. Проф. д-р Вита Која – Професор на Економскиот факултет во Тирана, автор на осум книги – томови посветени на народното творештво од областа Голо Брдо и активистка на Македонско политичко друшвото “Мир“
  3. Г-дин Александар Стојановски – Скопје, Репубика Македонија
  4. Г-дин Антонио Јанески – Скопје, Репубика Македонија

Претседателот на Mакедонско друштво “Илинден“-Тирана г-дин Никола Ѓурѓај им ги честитаат наградата и благодарниците на добитниците за 2022 година со надеж дека истите ќе послужат како поттик за натамошен ангажнман на наградените во нивната досегашна определба да работат во интерес на вистината за животот и ангажманите на Македонците во Република Албанија.

  • in vestimk

Честитка од Македонско друштво “Илинден“-Tирана по повод Свети Наум Охридски

Почитувани Македонци и Македонки во Албанија и насекаде во светот, македонско друштво “Илинден“-Тирана упатуваме искрени честитки по повод Свети Наум Охридски, исцелител и просветител на македонскиот народ да го почитуваме и славиме овој голем ден

  • in vestimk

Честитка од Македонско друштво “Илинден“-Тирана по повод празникот Свети Климент Охридски 

По повод христијанскиот празник Свети Климент Охридски, македонското друштво “Илинден“-Тирана, упати честитка до Архиепископ Охридски и Македонски и на Јустиниана Прима, господин,  господин Стефан и до сите Македонци каде и да се. Од мое лично име, во име на друштвото и на сите Македонци во Албанија упатуваме честитки по повод утрешниот голем христијански празник, денот на Свети Климент Охридски чудотворец – учителот и просветителот кој е доказ дека љубовта се мери според жртвата. Честитајќи им го празникот на г.г. Стефан, на членовите на Светиот архијерејски синод, на преподобното монаштво и свештенство, и на сите верници посакуваме денот посветен на патронот на МПЦ-ОА да го поминат во добро здравје, стои меѓу другото во честитката, потпишана од претседателот на друштвото Никола Ѓурѓај. Се додава дека огромна е почитта кон Свети Климент Охридски, кој остави не само големо духовно и просветителско наследство, туку и со личен пример на дело покажа што значи милост, трудољубивост, трпение и солидарност.

  • in vestimk

Mакедонско друштво “Илинден”-Тирана доби ИТ опрема од „Донирај компјутер“

Неколку години по ред, вниманието на македонската и светската јавност го привлекува една акција наречена „Донирај компјутер“. Тоа е самоиницијативна акција од г-динот Борче Стаменов од Кавадрци за прибирање половни компјутери, нивно репарирање и донирање на граѓани од ранлива категорија. Акцијата беше започната во 2016 година и до сега има донирано 1240 компјутери на семејства низ цела Македонија. Оваа акција беше од голема полза за децата од ранливите категории во периодот кога училишните обврски се одвиваа преку интернет. Во тој период, „Донирај компјутер“ и Борче Стаменов им помогнаа на десетици деца да не изостануаат од часовите поради недостаток на компјутер. За прв пат „Донирај компјутер“ донираше ИТ опрема за потребите на Mакедонско друштво “Илинден”-Тирана. Со оглед на тоа што централната канцеларија на Mакедонско друштво “Илинден”-Тирана смета дека ова опрема е многу покорисна за огранкот на Друштвото во областа Голо Брдо. „Донирај компјутер“, согласно потребите, во иднина ќе продолжи со овој тренд на донирање ИТ опрема за Mакедонско друштво “Илинден”-Тирана. Mакедонско друштво “Илинден”-Тирана упатува јавна благодарност до г-дин Борче Стаменов за донацијата. Во ова прилка нашето Друштво апелира до сите што можат да ја поддржат ова прекрасна самоиницијатива и да донираат компјутер.

  • in vestimk

Македонско друштво “Илинден“-Тирана изразува длабоко жалење за страотната несреќа во модуларниот ковид – центар во болницата во Тетово

Македонско друштво “Илинден“-Тирана изразува длабоко жалење за страотната несреќа во модуларниот ковид – центар во болницата во Тетово, Македонија сочуство до семејствата на 14 загинати од трагичниот пожар и длабоко жалење за несреќа. Македонско друштво “Илинден“-Тирана посакува брзо заздравување на повредените.

Македонско друштво ”Илинден”-Тирана

Претседателот Никола Ѓурѓај

  • in vestimk

Честитка од Македонско друштво “Илинден“-Tирана за најголемиот Македонски празник Илинден

Почитувани Македонци и Македонки во Албанија, татковината Македонија и насекаде во светот, Македонско друштво “Илинден“- Тирана ви го честита најголемиот македонски празник Илинден. Да го почитуваме и славиме овој голем ден во чест на Илинденско востание од 1903 – та година. Исто така големитот Илинден 1944 – та година.

Честитка по повод Курбан Бајрам од Македонско друштво “Илинден“-Tирана

Почитувани верниците со Исламска Вероисповед во името на Македонско друштво “Илинден“-Тирана и Македонско друштво “Илинден”-Огранок Голо Брдо ви честита Курбан Бајрам, со желба за многу лични успеси и бериќетна година.

Македонско друштво „Илинден”-Тирана најостро го осудува навредливото однесување на бугарскиот европратеник Ангел Џамбаски кон Македонија и Македонците

Македонско друштво „Илинден”-Тирана најостро го осудува навредливото однесување на бугарскиот европратеник Ангел Џамбаски кој вели дека „Македонија е бугарска“! Македонско друштво „Илинден”-Тирана за фашистичка ја смета изјавата на Џамбаски дека не постојат Македонскиот народ и Македонскиот јазик! Македонско друштво „Илинден”-Тирана ја отфрла национал-шовинистичката политика на Софија кон Македонскиот народ во целина, непризнавајќи го неговото универзално неотуѓиво и неотстапно право на самоопределување и самоидентификација на држава Македонија!