Tag: <span>Mакедонско друштво “Илинден“-Тирана</span>

Home
News

Ѓурѓај: Учестуваше на работен состнаок преку Интернет на работната група на словенските малцинства во ФУЕН

Работната група на словенските малцинства во Федералната Унија на Европските Националности (ФУЕН) ја одржа својата прва средба преку Интернет. Бидејќи РГСМ не успеа да се сретне уште од семинарот на словенските малцинства во Блејбург / Плиберк, Австрија, во ноември 2019 година, поради пандемијата COVID-19, беше организирана и онлајн состанок. Речиси половина од сите членови ја прифатија поканата, така што 13 организации членки беа присутни преку нивните претставници. Ангелика Млинар, претседател на работната група на словенските малцинства (РГСМ) во ФУЕН и потпретседател на Федералната Унија на Европските Националности (ФУЕН) ја отвори средбата со поздравување и презентација на тековната состојба. На агендата беше размената на мислења за актуелната состојба во време на коронавирус и ефектите врз словенските малцинства, како и за тековните и идните активности на РГСМ. Покрај другите, во работа на состнаокот преку интернет учестуваше и претседателот на Македонско друштво “Илинден“-Тирана, Никола Ѓурѓај. Македонското друштво “Илинден“-Тирана како членка на Федералната Унија на Европските Националности (ФУЕН), истовремено е и дел на работната група на словенските малцинства во ФУЕН. Новата брошура и почетната страница на РГСМ беа подетално презентирани, како и плановите за претстојниот Семинар на словенските малцинства и ФУЕН Конгрес 2020 (доколку ситуацијата СОВИД-19 ги дозволи овие настани). Генералниот секретар на ФУЕН, Ева Пензес, подетално ги објасни можностите и предизвиците. Некои малцинства објавија исклучително тешка состојба како последица на пандемијата COVID-19, што веќе го покажа истражувањето на ФУЕН? ФУЕН и РГСМ би сакале да го коментираат ова во иднина. Сите со нетрпение го очекуваме следното (се надеваме лично) обединување! Македонско друштво ”Илинден” од Тирана е член на Федералната Унија на Европските Националности (ФУЕН) од 16. мај 2015 година и дел од Работната група на словенските малцинства при ФУЕН.

Македонско друштво „Илинден”-Тирана најостро го осудува навредливото однесување на бугарскиот европратеник Ангел Џамбаски кон Македонците

Македонско друштво „Илинден”-Тирана најостро го осудува навредливото однесување на бугарскиот европратеник Ангел Џамбаски кој се надмина себеси во видеоконференцијата на неговиот Фејсбук-профил на тема „Геополитика и транспортни коридори на Балканот“. Македонско друштво „Илинден”-Тирана најостро ја осудува заканата на Џамбаски дека полека и со ќотек Македонците ќе се вратат на своите “бугарски корени”. Македонско друштво „Илинден”-Тирана ја осудува национал-шовинистичката политика на Софија кон Македонскиот народ во целина, непризнавајќи го неговото универзално неотуѓиво и неотстапно право на самоопределување и самоидентификација на Македонски народ, Македонски јазик и држава Македонија!

ФУЕН оптечати брошура за словенските малцинства, меѓу нив и за македонското во Албанија

Федералната унија на европските националности, ФУЕН отпечати нова брошура во соработка со АГСМ (AGSM) во која се претставени словенските малцинства, со цел пошироката јавност да дознае повеќе за сите нив кои живеат низ цела Европа. Опфатени се 28 малцинства од словенската група кои членуваат во ФУЕН, меѓу нив и македонското во Албанија ,за кое се прави приказ каде живее, какви се неговите права, за неговите друштва, одбележувањето празници и слично. Со независноста и воспоставувањето на кралството Албанија во 1912 година, во денешните актуелни граници на земјата, македонското малцинство се најде во пограничните региони на земјата . Тука спаѓаат населбите во Голо Брдо, Пешкопеја или Долни Дебар (дебарско поле), Мала Преспа и Гора, а денес ги има и во најголеми градови во земјата. На територијата на Република Албанија живеат околу 120.000 припадници на македонското национално малциство,стои во брошурата. Се нагласува дека тоа е официјално признато, само во Мала Преспа и Врбник, но „ не соодветно заштитено“. Настава на на мајчин јазик нема во Голо Брдо, Гора и Врбник, меѓу другите, а македонскиот не се користи официјално и во поголемите градови, каде живеат многу Македонци. Националното малцинство е исто така застапено во медиуми, но обемот во никој случај не е доволен за да се задоволат потребите. Весниците „Илинден“ и „Преспа“ се објавуваат еднаш месечно, а македонското здружение „Сонце“ работи двојазичен онлајн портал „Македониум“. Македонска радио програма во ТВ Корча се емитува од 1991 година. Од 2017 година, постои емисија на македонски јазик на државната телевизија, што се емитува пет дена во неделата, се наведува понатаму. Исто така стои дека фолклорните и музичките групи во Голо Брдо, Мала Преспа, Гора и Врбник го негуваат богатиот македонски фолклор. Се споменуваат македонските друштва и празниците кои Македонците ги одбележуваат. Постојат друштвото „Илинден“ со седиште во Тирана, организација за заштита на правата на Македонците во Албанија „Преспанско друштво“, политичко-културното здружение „Мир“, етнокултурното здружение „Гора“ и друштвото „МЕД“ (Македонско Егејско друштво). Најважните празници на македонското малцинство во Албанија се православните празници според стариот календар: покрај Божик, Велигден, Василица, Водици, свети Кирил и Методиј, свети Климент Охридски, свети Наум Охридски, свето Преображение, како и Курбан Бајрам, Фитр Бајрам и Летник и историските празници, како што се 2 август, во чест на Илинденското востание на македонскиот народ, 8 септември Ден на независноста на Македонија и 23 октомври како Ден на македонската независност, се споменува во брошурата. Посебно место е отстапено за македонското друштво „Илинден“-Тирана основано во 2009 година а член на ФУЕН е од 2015 година, чиј претседател е Никола Ѓурѓај. „Основни задачи на друштвото се зачувување и зајакнување на етничкиот, лингвистичкиот, културниот, религискиот, како и историскиот и државниот идентитет. Постојаното постоење и интеграцијата на Македонците во политичкиот систем и институциите на Албанија исто така ја одредуваат и дејноста. Овие цели треба да се постигнат пред се преку работата на печатот и медиумите, со публикации, како и преку културната и едукативната работа,сепосочува во брошурата. Цела брошура можете да го симнете во ПДФ формат Тука.

Честитка од Македонско друштво “Илинден“-Тирана за Фитер Бајрам

Почитувани верниците со Исламска Вероисповед во Република Албанија и во целиот свет во името на Македонско друштво “Илинден“-Тирана и Македонско друштво “Илинден”- Огранок Голо Брдо ви честита Фитер Бајрам, со желба за многу лични успеси и бериќетна година.

Петгодишно членство на Македонско друштво “Илинден”-Тирана во Федералната Унија на Европските Националности (ФУЕН)

На денешен ден, пред пет години, Македонското друштво „Илинден“-Тирана, беше примено во семејството на претставниците на европските националности и стана рамноправен член на Федералната Унија на Европските Националности (ФУЕН). Особена заслуга за нашето членство во ФЕУН има Македонското меѓународно движење за човекови права од Канада со Претседател г-дин Бил Николов кое помогна Македонското друштво „Илинден“-Тирана да стане рамноправен член во ФУЕН, за што изразуваме благодарност. Имено, Македонско друштво “Илинден”-Тирана стана рамноправен член на Федералната Унија на Европските Националности (ФУЕН) во конгресот на ФУЕН што се одржа на 15.05. 2015 година во Комотини, во Грција, во организија на Федерацијата на Западно – Тракиски Турци во Европа, Здружение на дипломирани студенти на Западна Тракија Малцинства и Партијата за пријателство, еднаквост, мир. Од тогаш до денес, Македонско друштво “Илинден”-Тирана дава голем придонес во евидентирањето и надминувањето на голем број прашања од интерес на Македонците во Албанија. Континуирано работи на заштитата на етничкиот, јазичниот, културниот идентитет и националните традиции на Македонците во Албанија. Покрај тоа, Македонско друштво “Илинден”-Тирана редовно учествуваше во овие пет години на сите конгреси на ФЕУН. Така, бевме присутни и активно партиципиравме во работата на конгрсот во Вроцлав, Полска на 21 мај 2016, потоа во Клуж – Напоча, Романија на 20 мај 2017 година, како и на следниот Леуварден, Холандија, на 23 јуни 2018 година и на последниот конгрес одржан на 15 јуни 2019 година во Братислава, Словачка. На сите конгреси Македонско друштво “Илинден”-Тирана поднесуваше резолуци чија содржина и намера беше подобрување на животот на Македонците во Албанија и сите беа освоени од страна на Федералната Унија на Европските Националности (ФУЕН). Истите се пратени до сите меѓународни институции кои се поврзани со малциствките проблеми, како и во државните инситуци на Албанија. Колку и дали овие резолуции придонесуваат за подобрување на положбата на Македонците во Албанија ќе биде следниот чекор кој ќе го преземеме на следниот конгрес на ФЕУН. Македонското друштво „Илинден“-Тирана во функција на рамноправен член во ФУЕН и како дел од работната група на словенските малцинства во Европа, активно го покренува прашањето за Македонците во Албанија на меѓунаротната сцена. Македонското друштво „Илинден“-Тирана во ова прилика упатува искрена благодарност до сите членки на Федералната Унија на Европските Националности (ФУЕН) за соработката и разбирањето покажано за интересите на македонското малцинство во Албанија. Истовремено испраќаме искрени честитки до членовите, соработниците и симпатизерите на Македонското друштво „Илинден“-Тирана за петгодишниот јубилеј на членство во највисоката малцинска организација во Европа, со желба и натаму јасно и опстојно да работат на интересот и барањата на Македонците во Албанија. Да ни се множат јубилеите и пријателствата со сите народи и малцинства во светот.

Со почит

Никола Ѓурѓај

Претседател на Македонско друштво „Илинден“-Тирана

Честитка од Македонско друштво „Илинден“-Тирана по повод големиот христијански празник Воскресението Христово – Велигден

Претседателот на Македонското друштво „Илинден”-Тирана, Никола Ѓурѓај денеска упати честитка по повод верскиот празник Велигден до г.г. Стефан, Архиепископ на Македонската Православна Црква – Охридска Архиепископија и до православните верници. Дозволете ми во мое лично име, во име на Македонското друштво „Илинден“ и на сите Македонци кои живеат во Република Албанија, на Вашето свештенство и на сите православни верници, да ви го честитам големиот Христијански празник Воскресението Христово – Велигден. Радувајќи се на Воскреснието Христово – Велигден, да се помолиме и да си посакаме убави празнични денови, а убавите мисли и дела, честа и достоинственоста да не следат и да се постојано со нас и оваа година, – се вели во честитката од македонското друштво „Илинден” од Тирана. Чествувањето на Празникот над празниците, Христовото воскрсение Велигден е дел од нашето духовно и национално богатство,стои во честитката и се додава дека празнувањето на овој светол ден е темелот на нашата вера и не учи на заедништво, да си помагаме еден со друг и да го почитуваме семејството и блиските.

Македонско друштво „Илинден“-Тирана го осудува оркестрираното бугарско негирање на Македонците во Албанија

Деновиве бугарската јавност беше бомбардирана од тврдењата дека не се точни објавите во весникот „Илинден“ издаван од Македонското друштво „Илинден“-Тирана, дека во Албанија нема Бугари, реагираат од ова друштво и велат: ,,Признаваме дека не очекувавме толку оркестрирана „вистина“ од страна на бугарската јавност на вистината за Македонците во Албанија. За да се „докаже“ спротивното низ јавните гласила се јавија наменските „истражувачи“, „научници“ и други потребни кадри кои се обидуваат на Македонците во Албанија да им кажат дека не се Македонци, туку дека се Бугари. Секако, вистината дека не постојат Бугари во Албанија ја знае целата светска јавност. Исто како што е јасно и гласно дека во Пиринска Македонија живее непризнато и понижено македонско население. За читателите е интересно да се каже дека во 2017 година во Албанија беше донесен Закон за малцинствата. Според важечките резултати од последниот попис на населението, нема ниту еден изјаснет како Бугарин во Албанија, но сепак беше признато бугарско малцинство во Албанија. И тоа не би било спорно ако „признавањето“ не се случуваше истовремено со подготовките на Бугарија за преземање на шестмесечното претседавање со ЕУ. Таквата позиција беше нашироко протежирана од бугарската Влада за „објаснување“ до албанскта Влада дека Бугарија ќе „помогне“ за побрзо зачленување на Албанија во ЕУ, доколку во Законот „внесе“ непостоечко бугарско малцинство и тоа во деловите на Албанија каде живеат Македонци. Од 2017 година до денес бројни бугарски „научници“ и емисари бараат и лажираат податоци за Бугари во Албанија. Тогаш, бројот на „Бугарите“ мора да биде надуван до степен до кој бугарските „европејци“ ќе им се закануваат на албанските власти со влезот во ЕУ. Секако, за успех на бугарската политика за нашето однародување како Македонци во Албанија многу помагаат и лица кои лесно и ефтино си го продаваат образот на фамилијата и нацијата. Нека им служи на чест, и ним и на нивните поколенија плукањето по коските на предците. Македонското друштво „Илинден“-Тирана и натаму ќе пишува за вистината, а тоа значи дека ќе објавува документи и текстови за македонската традиција, историја и култура во Албанија. Секако, за македонското чувство на населението во Албанија од кое се барало да признае дека е бугарско, најдобро говори следново видео“-се вели во соопштението на Македонско друштво ,,Илинден“-Тирана.

Македонско друштво “Илинден”-Тирана најостро го осудува навредливото однесување на бугарскиот европратеник Андреј Ковачев кон Македонците во Албанија

Македонско друштво „Илинден”-Тирана најостро го осудува навредливото однесување на бугарскиот европратеник и потпретседател на европарламентарната група на Европската народна партија Андреј Ковачев и Спас Ташев во Корча, за време на промоцијата на книгата за „Бугарите во Албанија“ од авторот Спас Ташев. Македонско друштво „Илинден”-Тирана за неприфатлива ја смета објавата и промоцијата на книгата “Бугарите во Албанија“ од Спас Ташев, со лого на Европската народна партија, бидејќи шири лаги и невистини за Македонците во Албанија како “Бугари“. Го посетуваме авторот на книгата дека преземал слика без авторски права, истовремено го спомнува Македонско друштво “Илинден”-Тирана како промотор на Македонизмот во Албанија. Македонско друштво „Илинден”-Тирана остро го осудува посетата на бугарскиот европратеник и потпретседател на група на Европската народна партија Андреј Ковачев во областа Мала Преспа во својство на европратеник и потпретседател на европарламентарната група на Европската народна партија, кој на социјалните мрежи информира дека остварил средби со „Бугарите“ во Врбник и Мала Преспа. Македонско друштво „Илинден”-Тирана повторно ги осудува неприфатливите уцени на Софија кон Албанија од која бара права за Македонците како „Бугари“! Македонско друштво „Илинден”-Тирана и уште еднаш прокламира, дека во Албанија не живеат „Бугари“, Македонците во Албанија не се „Бугари“! Македонците во Албанија не може да бидат коалтерална штета заради бугарските уцени и албанските амбиции за членство во Европската Унија, посебно наци-фашистичкиот ултиматум на Софија: Тест за бугарска согласност за започнување на преговори меѓу Брисел и Тирана е обврската Албанија да прокнижи Бугари на престојниот попис во регионите каде што живеат Македонците! Македонско друштво „Илинден”-Тирана ја осудува национал-шовинистичката политика на Софија кон Македонците во Пиринскиот дел на Македонија и во цела Бугарија, како и кон Македонскиот народ во целина, непризнавајќи го неговото универзално неотуѓиво и неотстапно право на самоопределување и самоидентификација на Македонски народ, Македонски јазик и држава Македонија“!.- стои во соопштението на Македонско друштво “Илинден”-Тирана.

Македонско друштво „Илинден”-Тирана и Васил Стерјовски обезбедија донација во ИТ опрема за гимназијата во Пустец

Mакедонско друштво “Илинден”-Тирана во соработка со Претседателот на Македонската алијанса за европска интеграција – МАЕИ и пратеник во aлбанското собрание Васил Стерјовски обезбедија донација во ИТ опрема ( 6 комплет компјутери), школски маси и столови и детски списанија на македонски јазик. Оваа донација ќе биде предадена на директорот на гимназијата „Трајан Ѓорѓиовски и Митре Колевски“ во Пустец, Трајан Ванѓеловски кој ќе ја прераспредели според потребите на учениците со цел тие да добијат поквалитетна настава на часовите по информатика. Согласно потребите на учениците во иднина ќе продолжи овој тренд на донирање ИТ опрема за учениците во областа Мала Преспа.

Претседателот на Македонско друштво ”Илинден”-Тирана Никола Ѓурѓај оствари средба со Проф. Мишко Џидров Проректор за настава во Универзитет „Гоце Делчев“-Штип

Претседателот на Македонско друштво ”Илинден”-Тирана, г-дин Никола Ѓурѓај на 14.02.2020 година во Ректоратот на Универзитет „Гоце Делчев“-Штип оствари средба со Проф. Мишко Џидров, Проректор за настава и студенти. На работната средба претседателот на Македонско друштво ”Илинден”-Тирана, ја информираше Проф. Мишко Џидров за најновите настани поврзани со актуелната положба на Македонците во Албанија. Воедно, Проф. Мишко Џидров беше информирана и за активностите на Македонско друштво ”Илинден”-Тирана, кое со години е активен субјект сред македоската заедница во Албанија. На средбата, многу отворено, се разговараше за можни активности кои би помогнала за надминување на проблемите на студентите Македонците од Албанија што учат во Универзитет „Гоце Делчев“-Штип. Секако, во опсегот на надлежностите, Проф. Мишко Џидров искажа подготвеност да помогне за подобрување на соработката меѓу Македонско друштво ”Илинден”-Тирана и Универзитет „Гоце Делчев“-Штип, претседателот на Македонско друштво “Илинден”-Тирана топло и се заблагодарува за срдечна средба.