Tag: <span>Mакедонско друштво “Илинден“-Тирана</span>

Home
News

Mакедонско друштво “Илинден“-Тирана додели Награда “Илинден” и Благодарница “Илинден” по повод четринаесетгодишнината

Mакедонско друштво “Илинден“-Тирана ги додели годинешните награда “Илинден” и благодарница “Илинден” По повод четринаесетгодишнината од основањето и плодната работа на Mакедонско друштво “Илинден“-Тирана, неговите Управни органи и претседателот г-дин Никола Ѓурѓај, донесоа Одлука за доделување на Благодарници “Илинден” и Награда “Илинден”. Благодарниците и наградата се доделуваат на лица за нивните особени заслуги за ангажман и перманентните активноси во насока на зачувување и одржување на македонскиот идентитет на припадниците на македонското национално малцинство во Република Албанија. Така и оваа година беа предложени повеќе лица за добивање на благодарница “Илинден” и награда “Илинден”. Од предложените беа избрани лица, кои со својот ангажман придонеле за подобрување и дисперзија на сознанијата за животот, историјата, културата и зачувување на автентичната македонска традиција на македонското население во Албанија. Благодарницата и наградата “Илинден” ги доделува и врачува лично претседателот на Mакедонско друштво “Илинден“-Тирана.

Оваа година Награда “Илинден” му се доделува на:

Неговото Блаженство г.г. Стефан – Поглавар на Македонска Православна Црква – Охридска Архиепископија

Оваа година Благодарница “Илинден” се доделува на:

Г-дин Адам Аргинов – Подржувач на Mакедонско друштво “Илинден“-Тирана – Сиднеј, Австралија.
Г-дин Кристо Мазнику – Понарешен претседател на Комитетот на Македонска алијанса за европска интеграција за Тирана и понарешен претседател на Политичко друштво “Мир” – Огранок Тирана и активист на Македонско национално малциство во Република Албанија со потекло од областа Голо Брдо.
Г-дин Јован Попи – Активист на Македонско национално малциство во Република Албанија со потекло од Ербеле, областа Поле, Маќелара.
Г-дин Ивзи Абази – Активист на Македонско национално малциство во Мало Острени (Малестрени) областа Голо Брдо.

Претседателот на Mакедонско друштво “Илинден“-Тирана г-дин Никола Ѓурѓај им ги честитаат наградата и благодарниците на добитниците за 2023 година со надеж дека истите ќе послужат како поттик за натамошен ангажнман на наградените во нивната досегашна определба да работат во интерес на вистината за животот и ангажманите на Македонците во Република Албанија.

Македонско друштво “Илинден“-Тирана во соработка со ракометниот клуб “Енхалон“ од Струга донираа новогодишни пакетчиња за Македончињата во Требиште, Голо Брдо

Македонско друштво “Илинден“-Тирана во соработка со Ракометниот клуб “Енхалон“ од Струга и поддршка од Хуманитарна организација “Свети Спас” од Скопје, Македонија се реализираше заедничка донација во Требиште областа Голо Брдо. Посебно здоволство е што за Македончињата во Админстративната единица Требиште во областа Голо Брдо се донираа 50 новогодишни пакетчиња во соработка со ракометен клуб “Енхалон“ од Струга, Админстративната единица Требиште, областа Голо Брдо и донаторот на новогодишните пакетчиња Хуманитарна организација “Свети Спас” од Скопје. Врз основа на потпишаниот Меморандум за соработка меѓу Македонско друштво “Илинден“-Тирана и Ракометниот клуб “Енхалон“ од Струга. Македонско друштво “Илинден“-Тирана упатува благодарност до г-дин Дејан Костески претседател на Ракометен клуб “Енхалон“ од Струга, г-дин Едмонд Османи, Администратор на админстративната единица Требиште, областа Голо Брдо и голема благодарност до донаторот на новогодишните пакетчиња, Хуманитарна организација “Свети Спас” од Скопје.

Претседателот на Македонско друштво “Илинден“-Тирана, Никола Ѓурѓај учестуваше на презентација на проектот „Жените на малцинствата“

Претседателот на Македонско друштво “Илинден“-Тирана, Никола Ѓурѓај денска учестуваше на презентација на студија Колку се еднакви малцинските организации? Презентирана ФУЕН студија за проектот „Жените на малцинствата“.

На настаните на ФУЕН честопати доживуваме дека соодносот на половите не е избалансиран. На нашите конгреси, конференции и годишни состаноци учествуваат значително повеќе мажи отколку жени. Но, исто така, во квалитативна смисла, ако ги погледнете говорите и панелистите, жените се недоволно застапени – и оваа слика често е репрезентативна за нивното општо присуство во раководните тела. „Ова ни даде храна за размислување во ФУЕН и се роди идејата за проектот „Жени на малцинствата“, објасни генералниот секретар на ФУЕН, Ева Пенцес на почетокот на денешниот онлајн состанок, на кој присуствуваа околу 20 луѓе од организациите членки на ФУЕН од 13 земји.

Што е статус кво? Дали жените во малцинствата се малцинство, во официјалните тела и раководството? Колку е еднакво во нашите организации? Кои се предизвиците? Со цел да добиеме одговори на овие прашања и да ја процениме статус квото, во ноември испративме прашалник до нашите организации членки. Задоволни сме што преку 40 организации учествуваа и на овој начин помогнаа да се добие сеопфатна слика.

Резултатите од ова истражување на почетокот на состанокот ги презентираше Зора Попова, научен офицер на ФУЕН. Одговорите покажаа дека жените во основа се добро застапени во организациите, особено во оперативната област, додека мажите доминираат на лидерски позиции, односно во претседателства или одбори. Жените ја вршат работата додека мажите седат во раководството“, ја резимираше ситуацијата Зора Попова. Што се однесува до знаењето за родовата еднаквост и насоките, беше откриено дека околу две третини од организациите учеснички имаат знаење, но многу малку од нив имаат официјални документи или упатства за родовата еднаквост во организацијата. Ретко кој присуствувал на обука на оваа тема.

„Резултатите покажуваат дека има потреба од поголема родова еднаквост“, посочи Зора Попова. „Главната пречка наведена е традиционалната улога на жената, која не остава време за други активности помеѓу семејството и работата. Факт што можеше да го потврди Евгенија Нацулиду, учесничка на средбата. „Она што жените го постигнаа преку женското движење е да имаат избор. Но: жените денес сè уште имаат премногу обврски приватно, додека мажите се фокусираат на нивните кариери“.

Сепак, недостатокот на промоција, недостатокот на свест или стереотипи во организацијата исто така стојат на патот за подобра родова еднаквост, покажуваат резултатите. Како мерки што се потребни, учесниците во студијата ги наведоа обуката за менаџмент, поддршка од експерти како и подигање на свеста за темата со цел да се создаде свест на прво место.

Проектот „Жените на малцинствата“ ќе се фокусира на размена на идеи за можни идни активности и истражување на можни подобрувања. Кои алатки може да се искористат за да се донесе промена кон подобра застапеност на жените во малцинските организации? Ова е она на што треба да работиме на следните состаноци и дискусии. Една од идеите е да се претстават жените од водечки, активни позиции во малцинствата како пример за надминување на стереотипите. Учесниците се согласија со овој пристап. „Помагањето една на друга може да биде решение. Мораме да ги мотивираме жените да не се извинуваат секогаш и да се бориме против скриената дискриминација што сите жени ја доживуваат во секојдневниот живот“, рече Елиса Ферекиду. И не е неважно: „Треба да вклучиме мажи за да се справиме со проблемот“, додаде Еугенија Нацулиду.

Госта Тофт, потпретседател на FUEN, ги охрабри сите присутни да останат на врвот на прашањето и да планираат понатамошни активности. FUEN има важна улога како посредник за знаење и движечка сила.

Како можеме да им помогнеме на нашите партнери да развијат стратегии и упатства за родова еднаквост? Како можеме да ги мотивираме жените да преземат поактивни улоги во нивните организации и на нашите настани? Ова се прашањата на кои ќе се бараат одговори во текот на проектот и – во најдобар случај – ќе се применат во пракса. Пројектот се рализира благодарение на Сојузното Министерство за внатрешни работи и внатрешни работи на Сојуза Република Германија.

Претседателот на македонско друштво “Илинден”-Тирана, Никола Ѓурѓај оствари средба со Александар Костиќ, претседател на Месна заедница Галичник

Претседателот на македонското друштво “Илинден”-Тирана, Никола Ѓурѓај, оствари средба со г-дин Александар Костиќ, претседател на Месна заедница Галичник, Општина Маврово – Ростуша, областа Мала Река, Македонија. На срдечниот разговор искажан е заеднички став за унапредување на соработката меѓу Македонско друштво “Илинден”-Тирана и Месна заедница Галичник и соработка во рамките на манифестацијата Галичка свадба. Секако, во опсегот на неговите надлежности, Костиќ искажа подготвеност да помогне за подобрување на малцинските права на Македонците во Република Албанија. Ѓурѓај искажал голема благодарност, за како што оценува, непосредната и срдечна средба.

Честитка по повод празникот Свети Климент Охридски од Македонско друштво “Илинден“-Тирана

По повод големиот христјански празник Свети Климент Охридски, македонското друштво “Илинден“-Тирана, упати честитка до Архиепископ Охридски и Македонски и на Јустиниана Прима, г.г Стефан и до сите Македонци каде и да се. Од мое лично име, во име на друштвото и на сите Македонци во Албанија упатуваме честитки по повод денешниот голем христијански празник, денот на Свети Климент Охридски чудотворец – учителот и просветителот кој е доказ дека љубовта се мери според жртвата. Честитајќи им го празникот на г.г. Стефан, на членовите на Светиот архијерејски синод, на преподобното монаштво и свештенство, и на сите верници посакуваме денот посветен на патронот на МПЦ-ОА да го поминат во добро здравје, стои меѓу другото во честитката, потпишана од претседателот на друштвото Никола Ѓурѓај. Се додава дека огромна е почитта кон Свети Климент Охридски, кој остави не само големо духовно и просветителско наследство, туку и со личен пример на дело покажа што значи милост, трудољубивост, трпение и солидарност.

Македонско друштво “Илинден“-Тирана достави официјално барање до УКИМ и МСМЈЛК за повторно отворање на Лекторатот по македонски јазик во Тирана

Лекторат по македонски јазик на Универзитетот во Тирана, веќе е повеќе од потребен. Не само заради големиот интерес за македонистиката од страна на новите генерации на македонската заедница којашто е втора по бројност меѓу малцинствата во Албанија, туку и за да се овозможи сите студенти што студираат филологија во Тирана да можат да го изучуваат и македонскиот јазик. Овој лекторат би бил клучен за унапредување на културните врски меѓу двата народа и двете држави, за развивањето на добрососедските односи и за градењето нови мостови на соработка меѓу македонската и албанската академска научна средина.

Ова меѓу другото беше истакнато на состанокот меѓу директорката на Меѓународниот семинар за македонски јазик, литература и култура при Универзитетот „Св. Кирил и Методиј“ во Скопје (МСМЈЛК при УКИМ), проф. д-р Весна Мојсова-Чепишевска и претседателот на македонското друштво „Илинден“ од Тирана, Никола Ѓурѓај. На состанокот, Ѓурѓај, до УКИМ достави и официјално барање од Друштвото, за реактивирање на Лекторатот по македонски јазик на Факултетот за странски јазици на Универзитетот во Тирана.

Како што беше нагласено на состанокот, покрај подготвеноста на УКИМ, за остварување на барањето е неопходен интерес и од страна на Универзитетот во Тирана и клучни се заложбите од институциите на нашата држава – најпрво дипломатски, а потем и заложби за обезбедување финансиски средства за функционирање на лекторатот. МСМЈЛК при УКИМ во рамките на своите надлежности, стоејќи зад определбата за зголемување на присуството на македонскиот јазик на странските универзитети, изразува решеност и подготвеност да ги обезбеди потребните материјали и стручноста кои би гарантирале успешна настава по македонски јазик, литература и култура. Но и да се заложи пред институциите, во поширок контекст да се сфати колку е важно и потребно и Универзитетот во Тирана да биде високообразовен центар на кој ќе се изучува македонистиката.

На состанокот беше разговарано и за досегашните состојби со македонистиката во Тирана. Во минатото, неколку години, на Универзитетот во Тирана функционирал Лекторат по македонски јазик, кој е потврда и за засведочениот интерес за македонистиката во албанската академска заедница. Но веќе повеќе години, за жал, на Универзитетот во Тирана, македонистиката воопшто не се изучува, а интересот за неа, како што нагласуваат од македонското друштво „Илинден“ е голем и забележлив и оттука, реактивирањето на Лекторатот, веќе се смета за неопходно.

Мојсова-Чепишевска и Ѓурѓај го споделија мислењето дека овој лекторат би придонел не само за присуството на македонистиката во албанската академска средина, туку и за содејство во развојот и на македонската и на албанската филологија, затоа што со добри познавачи на двата јазика во двете земји ќе може да се остварат и заеднички чекори во унапредувањето на балканистиката. Едновремено, како што беше напоменато, со работата на лекторатот би се отвориле перспективи за заеднички научноистражувачки проекти, но и за нови активности во областа на културата кои ќе овозможат нови синтези меѓу двата народа.

МСМЈЛК при УКИМ продолжува со активностите за остварување на својата мисија за развивање и афирмација на странската македонистика и со залагања за нови центри во светот на кои ќе се изучуваат македонскиот јазик, литература и кулура. Неодамна започнаа со работа Катедра и Лекторат по македонски јазик на Универзитетот на Анкара, а веќе се одвиваат активности и за отворање лекторат по македонски јазик во Пекинг. Во рамките на своите надлежности, МСМЈЛК при УКИМ ќе се заложи за остварување и на иницијативата за лекторат по македонски јазик во Тирана.

Претседателот на Македонско друштво “Илинден“-Тирана, Никола Ѓурѓај учестуваше во Виена на 25 – ти семинар на работната група на словенските малцинства во Европа при ФУЕН

Претседателот на Македонско друштво “Илинден“-Тирана, Никола Ѓурѓај учестуваше во Виена на 25 – ти семинар на работната група на словенските малцинства во Европа при ФУЕН oд 17 до 20 ноември 2022 година во Виена, Австрија. Организатор на семинарот беше Федералната унија на европските националности (ФУЕН) во соработка со Хрватскиот центар за култура, образование и политика (Хрватски центар) и Хрватското културно друштво во Бургенланд (ХКД), како и со Хрватски академски клуб. Покрај другите, во работа на семинарот учестуваше и претседателот на Македонско друштво “Илинден“-Тирана, Никола Ѓурѓај. Македонското друштво “Илинден“-Тирана како членка на ФУЕН, истовремено е и дел на работната група на словенските малцинства во Европа (АГСМ) при ФУЕН. На овој семинар од страна на претседателот на Македонско друштво “Илинден“-Тирана Никола Ѓурѓај беше презентиран “Положбата на Македонците во Албанија и положбата на Македонско друштво “Илинден“-Тирана и проблемите што ги застегат Македонците во Република Албанија.

Еден од најважните моменти на програмата е размената со членовите на австрискиот парламент на 18 ноември во Хофбург, на која беа поканети сите пратеници на етничките групи. Фокусот беше ставен на заштитата на етничките групи во Австрија, европската и меѓународната димензија, како и двојазичните образовни модели и примерите на најдобри практики од малцинскиот училишен систем. Настанот се организира во соработка со Клубот на пратеници на зелените.

Потоа, учесниците го истражуваат граничниот триаголник Австрија/Словачка/Унгарија во посета на Нојдорф/Ново Село, Австрија, Безенје/Бизоња, Унгарија и Чуново, Словачка.

Наредниот ден на дневен ред беше темата „Етничките групи во метропола/надвор од нивната населба“. Како може таму да се имплементираат правата на етничките групи? Што е со зачувувањето на јазикот, образованието и малцинските медиуми? Овие прашања ќе се испитаат користејќи го примерот на Бургенландските Хрвати во Виена/Беч. Поканети беа претставници од малцинскиот училишен систем, печатот и културните здруженија.

Главната компонента на семинарот работната група на словенските малцинства во Европа (АГСМ) и оваа година беше извештаите за моменталната состојба на словенските малцинства во Европа и нивната дискусија, размената за минатите и идните активности на работната група ја изгласа и нов Претседател на работната група на словенските малцинства во Европа (АГСМ) д-р Ангелика Млинар.

Во склоп на семинарот беше доделена културната награда „Метрон“. Културна награда „Метрон“, која Хрватскиот центар ја доделува од 2008 година на личности кои дале посебен придонес за малцинството. Оваа година наградата постхумно му беше доделена на хрватот од Молизе, Италија Антонио Самартино, под покровителство на работната група на словенските малцинства во Европа (АГСМ).

На семинарот присуствува 52 преставни од организации членки на работната група на словенските малцинства во Европа (АГСМ) при ФУЕН од дванаесет Европски земји.

Претседателот на Македонско друштво “Илинден“-Тирана за време на конгресот освари средби со преставници на ФУЕН

Претседателот на македонското друштво “Илинден”-Тирана, Никола Ѓурѓај учествуваше на Конгресот на Федералната унија на европски националности, што се одржa во Берлин од 29 септември до први октомври, најголемиот европски собир на национални малцинства и јазични групи. На Конгресот присуствува претставници на 105 организации членки од 36 земји. Покрај другите, во неговата работа учестуваше и претседателот на Македонско друштво “Илинден“-Тирана, Никола Ѓурѓај. Она што беше исклучително позитивно за Македонците во Република Албанија беше фактот дека резолуцијата поднесена од Македонско друштво “Илинден“-Тирана се изгласана унинанимно од сите делегати на генералното собрание на Федералната унија на европските националности (ФУЕН) ќе се достави до сите релевантни институци во Република Албанија и сите релевантни меѓународните институци. Претседателот на Македонско друштво “Илинден“-Тирана, Никола Ѓурѓај за време на конгресот освари средби со Лорант Винце, претседател на Федералната унија на европски националности, Халит Хабип Оглу, претседател на Федерацијата на Турците од Западна Тракија во Европа, Џени Џонс, координатор на Федералната унија на европски националности. Исто така, имаше средба со Евгенија Нацулиду, преставник на организација „Крсте Мисирков (Движење за промоција на македонскиот мајчин јазик)“ на македонското малцинство во Република Грција, Алис Блинцова, преставник на „Руско училиште во Естонија“, Сенгиз Ковач, претседател на друштво за млади на Турците во Република Косово.

Лорант Винце, претседател на Федералната унија на европски националности

Халит Хабип Оглу, претседател на Федерацијата на Турците од Западна Тракија во Европа

Евгенија Нацулиду, преставник на организација „Крсте Мисирков (Движење за промоција на македонскиот мајчин јазик)“ на македонското малцинство во Република Грција

Алис Блинцова, преставник на „Руско училиште во Естонија“ и Џени Џонс, координатор на Федералната унија на европски националности

Сенгиз Ковач, претседател на друштво за млади на Турците во Република Косово

Македонско друштво “Илинден“-Тирана со свој штанд на конгресот на Федералната унија на европските националности во Берлин

Во главниот град на Сојузна Република Германија, Берлин се одржа 66 Конгрес на Федералната унија на европските националности, ФУЕН на кој учествува и македонското друштво “Илинден“-Тирана. Дел од конгресот е и саемот на кој претставниците на малцинствата од Европа, на свои штандови претствија дел од традиционлани производи, како и пропаганден материјал. Македонско друштво “Илинден“-Тирана за трет пат со свој штанд, со производи кои Македонците во Република Албанија ги произведуваат, ајвар, ракија, вино. Македонско друштво “Илинден“-Тирана имаме и пропаганден материјал на кој се претставени македонскиите носии, убавините на областите каде што живеат Македонците, како и примероци од единствениот весник на македонски јазик “Илинден“. Конгресот се организираше од четирите автохтони национални малцинства во Германија и малцинскиот совет, кој е домаќин на годинешниот конгрес на ФУЕН. Работата на Малцинскиот совет се состои првенствено од промовирање и заштита на правата и интересите на четирите автохтони национални малцинства во Германија, Фризите, Данците, Ромите и Лужичките Сорби. Македонското друштвото ”Илинден”-Тирана член е на ФУЕН е од 16 мај 2015 година и е дел од работната група на словенските малцинства. Во овој период редовно учествува на Конгреси и други активности, а по предлог на друштвото усвоена е и Резолуција за положбата на македонското малцинство во Албанија.

Македонско друштво “Илинден”-Тирана ви честита среќен 26 Септември денот на европските јазици

Македонско друштво “Илинден“-Тирана по повод одбележувањето на 26 Септември денот на европските јазици упатува искрена честитка. Честитајќи ви го денешниот празник, сакаме да го истакнеме значењето на образованието на мајчиниот јазик, бидејќи тоа е најважниот сегмент во негувањето на основните обележја на еден народ. Знаењето и негувањето на мајчиниот јазик за децата значи и јакнење и зачувување на националниот и културен идентитет. Важноста на јазичната разновидност и повеќејазичноста е нагласена на европскиот ден на јазиците, кој секоја година се слави со разни настани на 26 септември, со иницијатива на Советот на Европа од 2002 година. Советот на Европа, со 800 милиони Европејци претставени од 47 земји, ги повикува сите Европејци да научат повеќе јазици на која било возраст, во училиште или надвор од училиште. Јазичната разновидност е алатка за стекнување поголемо меѓукултурно разбирање и важен дел од богатото наследство на европскиот континент, ја охрабрува повеќејазичноста низ цела Европа.