vestimk

Фидана Ќуланџиу како претставник на Друштвото присуствуваше на 22 јуни 2016 година на Генералното собрание на младински лидери на Тирана, кое се одржа во Младинскиот центар во Тирана. Ова Собрание имаше за цел:

1. Презентација на резултатите од иницијативите, активности во лидерство за преземање на заеднички активности во текот на првите 6 месеци од 2016 година

2. Градење на структура за управување ( управен комитет ) на младински лидерски Тирана

3. Дискусија по предложените внатрешни правила на младинската мрежа

Инаку “Младински Лидери“ е младинска мрежа во Тирана која е составена од претставници од 30 младински организации и форуми на политичките партии на локално ниво во Тирана. Основана е во 2012 година а до денес покажува исклучителни резултати во ангажирањето на младите во Албанија.

www.ilinden-tirana.com

Македонско друштво “Илинден“-Тирана со г-дин Ламбе Шатровси преставник на друштвото учестуа како гости на конференцијата “Развој на државата преку комуникација со дијаспората” одржа на 22.06.2016 година во Конгресен центар на Скопски Саем во Скопје, Македонија во организација на Центарот за информативна и логистичка поддршка на граѓаните “Нов контакт“-Македонија. Конференцијата се одржа со цел зајакнување на врската со македонската дијаспора, како и развивање на проекти за поддршка на културните, традиционалните, историските вредности зајакнување на комуникацијата и развојот на демократските опшествени вредности. Проектот е поддржан од Програмата за поддршка на граѓанското општетсво во Македонија-Цивика мобилитас финансисрана од Швајцарската агенција за развој и соработка, координиран од Македонскиот центар за меѓународна соработка и е единствен од стоте проекти поддржани од Civica mobilitas кој е посветен на македонската дијаспора, реализиран од Центарот за информативна и логистичка поддршка на граѓаните Нов Контакт”-Македонија под Менторство на Проф. д-р Златко Николоски.

www.ilinden-tirana.com

На 17.06.2016 година во просториите на Европскиот универзитет во Тирана беше промовирана Монографија за животот и делото на писателот Стерјо Спасе, Македонец по потекло од село Глобочани, општина Пустец во областа Мала Преспа, Албанија. Монографијата е авторско дело на неговиот син Илинден Спасе кој ја изврши и нејзината промоција. Стерјо Спасе е роден 1914 година во Глобочани а починал во 1989 година во Тирана. Тој е познат писател од македонско потекло и еден од најзначајните претставници на современата албанска поезија. Познат е и како антологичар, преведувач, учебникар и собирач на македонски народни песни.

www.ilinden-tirana.com

Македонско друштво “Илинден”-Тирана денес учестуваше на Вториот Национален младински конгрес на Албанија што се одржа во Младинскиот центар во Тирана. По втор пат на Националниот младински конгрес присутни беа и претставници на Македонската заедница во Република Албанија. Во Конгресот учествуваа педесет младински организации од целата територија на земјата, ангажирани во различни полиња на делување. Конгресот е можност да се запознаат подобро младинските организации кои работат во Република Албанија и да се зајакне нивната соработка. Конгресот се реализира со поддршка на германската Фондација “Фридрих Еберт”. Сите организации кои учествуваа на Конгресот беа презентирани со постер во текот на целиот Конгрес.

www.ilinden-tirana.com

Младата репрезентација на Македонија до 18 години во контролен натпревар против селекцијата на Албанија на 15 јуни 2016 година во Поградец, Албанија издвојува победа со 2:0. Македонската репрезентација го одигра дуелот на едно високо ниво создаде многу повеќе можности за погодок од својот противник и сосема заслужено на крајот славеше победа со 2:0. Трапановски рано уште во 7 минута погоди за предност на Македонија. Во продолжението од средбата пропуштивме многу добри прилики за постигнување погодок. Конечните 2:0 ги постави Митровски во 40. минута. Треба да се напомене и дека избраниците на селекторот Вујадин Станојковиќ играа со играч помалку уште од 25 минута од средбата.

www.ilinden-tirana.com

Македонците во Албанија на 11.06.2016 година во Горно Крчиште општина Маќеларе традиционално го одбележа големиот Христиански празник Спасовден кај црквата Св.Спас која датира од 1232 година и е споменик на културата каде се одржа богослужбата на македонски јазик. Ова година се одбележува осум дишнината на прославата присуствуваа Македонци од Ербеле и Крчишта и Македонци со потекло од овие села а кои се населени во различни градови во Албанија и во Македонија присутни беа и преставници на Македонско друштво “Илинден”-Тирана. На 13 јуни 2009 година се изврши преосветување на црквата Св.Спас која со помош на Македонците од Крчишта посебно на Лефтер Радевски црквата повторно се догради. Инаку селата Долно Крчишта, Горно Крчиште и Ербеле се македоноски села кои се наоѓаат во Општина Маќеларе  оддалечени 10 километри од Дебар. Со поделбата на Македонија во 1913 овие села припаѓаат на Кралството СХС а од 1925 заедно со областа Голо Брдо потпаѓаат под Албанија. Иако овие Македонци се раселени низ Албанија сепак не го забораваат своето македонско потекло и одлично го зборуваат македонскиот јазик.

www.ilinden-tirana.com

Потпретседателот на Македонско друштво ”Илинден”-Тирана г-дин Незир Меча и Хамит Гордани член на друштвото го посетиа Македонскиот павилон на Тера Мадре Балкан што се одржи во плоштад Мајка Тереза во Тирана од 02 до 05.06 2016 година. Слоу Фуд Македонија беше дел од настанот со бројни традиционални Македонски производи, македонскит павилон го посетија и бројни Македонци што живат во Тирана. Македонската делегација на Тера Мадре Балкан учестуваше со 33 члена 15 беа производители.

www.ilinden-tirana.com

На 05.08.2016 година добивме новиот магистер на Институтот за национална историја, Скопје Република Македонија м-р Естела Ѓурѓај која успешно го одбрани својот труд “Миграцијата на македонското население од Голо Брдо низ Албанија (1985-2012)“. Членовите на Комисијата за одбрана проф. д-р Катерина Тодороска, проф. д-р Марија Пандевска и проф. д-р Љубица Јанчева го искажаа своето задоволство од напишаното во овој магистерски труд а за збогатување на изнесените податоци посочија свои забелешки. Кандидатот Естела Ѓурѓај успешно одговори на сите поставени прашања од страна на професорите и се заблагодари за добронамерните насоки за подобрување на текстот на магистерскиот труд. Со тоа, Естела Ѓурѓај се стекна со академски степен магистер по историски науки.

www.ilinden-tirana.com

Почитувани Македонци во Република Албанија годишната средба во село Горно Крчишта-Маќелара за Спасовден ќе се одржи на 11.06.2016 година. Сите сте добредојдени! Почнува во 09:00 часот.

Të dashur Maqedonas në Republikën e Shqipërisë takimi i sivjetm në fshatin Krcishti i Siprm Maqelarë me rastin e festës Spasovden do të mbahet më 11.06.2016. Te gjithe jeni të ftuar! Fillon në orën 09:00.

www.ilinden-tirana.com

Светскиот Македонски Конгрес изразува целосна поддршка на Резолуцијата за унапредување на положбата и правата на Макдонците во Република Албанија усвоена со тајно гласање на Федералната Унија на Европските Националности (ФУЕН) усвоена на нејзиниот 61. Конгрес одржан од 18 до 22 мај 2016 година во Вроцлав, Република Полска а по предлог на Македонското друштво “Илинден“-Тирана во својство на член на ФУЕН. СМК верува дека ФУЕН ќе ја достави Резолуцијата за унапредување на положбата и правата на Македонците во Република Албанија до владата на Република Албанија и до меѓународните институции. СМК го поддржува Македонското друштво “Илинден“-Тирана во напорите за унапредување на положбата и правата на Македонците во Албанија посебно имајќи предвид дека ваква Резолуција за Македонците во Албанија од Вроцлав е за првпат усвоена на меѓународен форум. СМК оценува дека активностите на ФУЕН ќе придонесат: (1) Република Албанија да ја потпише и ратификува Повелбата на Советот на Европа за регионални и малцински јазици; (2) Албанските власти да ги признаат Македонците на целата територија на Република Албанија; (3) Сите права што им припаѓаат на националните малцинства, да ги уживаат и Македонците на целата територија на Албанија, а не само во областа Мала Преспа; (4) Албанската влада да го воведе учење на мајчиниот македонски јазик во државните училишта во областа Голо Брдо и Гора како и на целата територија на Република Албанија каде што живеат Македонци; (5) Македонците во Албанија повторно да ги добијат општините Голо Брдо и Гора коишто со последната територијална организација на локалната самоуправа беа укинати; и (6) Министерството за култура и Министерството за образование и спорт на Албанија да финансираат проекти во областите на културата, образованието и спортот на Македонците во Република Албанија. СМК посакува Македонско друштво “Илинден”-Тирана и понатаму да се бори пред меѓународните институции за правата на Македонците во Република Албанија.

www.ilinden-tirana.com