vestimk

Home
News

Честитка од Македонско друштво „Илинден“-Тирана по повод 1000 години Бигорски

Македонското друштво „Илинден“-Тирана упати честитка до г. Партениј, епископ Антаниски и игумен на Бигорскиот манастир, до Свештената бигорска обител и до сите православни верници, по повод големиот јубилеј 1000 години од основањето на манастирот. Во мое лично име и во име на македонското друштво „Илинден”-Тирана и на сте Македонци во Албанија дозволите да го честитам 1000- годиншниот јубилеј од основањето на Бигорскиот манастир „Св Јован Крстител”. Овој 1000-годишен македонски духовен дом на многу генерации православни верници ни останал како завештание од основачот, поглаварот Охридски Јован Дебранин и со вековното постоење стана нераскинлив дел на секој православен Македонец, стои во честитката потпишана од претседателот Никола Ѓурѓај. Се додава дека ова наследено завештание, ние треба да го сочуваме и да го оставиме на следните македонски генерации. Во оваа пригода, вам ви посакуваме многу здравје, успеси, во продолжувањето на македонската традиција и македонската духовност. Посакуваме, македонските православни граѓани да се поучуваат од вашите богоугодни дела во насока на зачувување и унапредување на македонскиот духовен бисер, Бигорскиот манастир. Честа и достоинственоста да ве следат и постојано да сте на браникот на заштитата на македонската православна вера. Ви испраќаме изрази на наше длабоко почитување и благодарност за досегашниот ваш влог во Македонската Православна Црква – Охридска Архиепископија и нејзините македонски верници,се наведува во честитката. Друштвото има воспоставено добра соработка со Бигорскиот манастир и со г.Партениј, со чиј благослов во неколку наврати помогнати се црквите во деловите каде што живеат Македонци. За искажаната грижа друштвото на г. Партениј му ја додели почесната награда „Илинден”, која за првпат беше воведена по повод десет годишнината од формирањето.

Македонско друштво “Илинден”-Tирана по повод 10-годишнината од излегувањето на првиот број од Македонски весник “Илинден” распишува конкурс за дизајн на лого

Логото треба да ги одразува досегашните активности на Македонски весник “Илинден”, а истото ќе се користи во текот на 2021 година. Во предлогот треба да се содржани основните елементи и тоа: – основни податоци за дизајнерот; – предложеното лого треба да биде компјутерски изработено во висока резолуција; – објаснување на предлог – дизајнот.

Општи услови за учество на конкурсот:

1.Предлог-логото треба да ја изразува концепцијата на 10-годишнината од основањето на Македонски весник “Илинден”.

2.На конкурсот можат да учествуваат средношколци, студенти и професионални дизајнери.

3.Делата мора да бидат оригинални, досега необјавувани а авторот ќе биде одговорен пред Законот за автентичност.

4.Предлог-логото може да биде од земјата и од странство.

5.Предлозите треба да се достават на е-пошта drustvo.ilinden.tirana@live.com

6.Поднесување на дела од 15 октомври до 15 ноември 2020 година.

7.Поднесените дела ќе бидат објавени на 01 декември 2020 година, а потоа ќе се одржи јавно гласање до 15 декември 2020 година.

8.Победникот ќе го избере комисија за проценка имајќи ги предвид реултатите од гласањето на социјалната мрежа ФБ.

9.Награди: Прва награда Награда “Илинден”, втората награда Благодарница “Илинден”, и третиот сет сувенири од Друштвото.

10.За избраното лого, победникот на конкурсот мора да даде за оригиналност на делото согласно законските прописи, како и изјава за откажување од правото на користење на наменското лого, по што логото станува сопственост на Македонско друштво “Илинден” -Tирана. Македонско друштво “Илинден” -Tирана ги повикува сите заинтересирани да достават свои предлози.

Честитка од Македонско друштво „Илинден“-Tирана по повод 11 Октомври-Денот на народното востание

Македонското друштво „Илинден“ со седиште во Тирана и огранокот за Голо Брдо од името на сите Македонци кои живеат во Албанија упати честитка по повод 11 Октомври-Денот на народното востание. Почитувани,со голема почит кон загинатите борци, народни херои и дејци и на сите што ги дале своите животи во НОБ и Револуцијата, сите кои се втемелија во државноста и она што се нарекува независна и суверена Македонија, давајќи го најдрагото, својот живот, во името на Македонско друштво “Илинден“-Тирана и огранокот за Голо Брдо ви го честитаме 11-ти Октомври-Денот на народното востанието. Да го почитуваме и славиме овој голем ден,- стои во честитката. Денеска, стои понатаму, да се потсетиме и да им оддадеме достојна почит на оние кои се бореа за слободата,потврдувајќи ја нивната пожртвуваност и патриотизам. До сите Македонци каде и да се на земјината топка порачуваме да ја сакаме и почитуваме како светост нашата Македонија,- порачува Македонското друштво „Илинден“, во честитката потпишана од претседателот на друштвото Никола Ѓурѓај и претседателот на огранокот за Голо Брдо, Или Халилај.

Македонско друштво „Илинден“-Тирана најостра осуда за одлука на Бугарскиот Парламент

Македонско друштво „Илинден“-Тирана ја смета за провокација во континуитет, вчерашната одлука на Бугарскиот Парламент за преименување на 24 Мај од “Ден на словенската писменост“ во “Ден на бугарската писменост“ со барање до Европската Унија “кирилицата да биде призната како бугарска азбука“! Тоа е провокација, не само кон Македонија туку и кон останатие држави со население со словенски корени. Македонско друштво „Илинден“-Тирана потсетува, дека во науката е прифатено дека основата на старословенскиот јазик се македонските говори од околината на Солун, а првото словенско писмо напишано од светите солунски браќа Македонците, Кирил и Методиј е глаголицата! Старословенскиот јазик е старомакедонскиот јазик! Македонско друштво „Илинден“-Тирана со индигнација отфрла заедничка прослава на значајни датуми, настани и личности кои Софија ги смета за Бугари и бугарски, а за тоа дури бара патент од Европската Унија! Македонско друштво „Илинден“-Тирана потсетува на изјавата на рускиот претседател Владимир Путин на 24 мај 2017 година при посетата на македонскиот претседател Ѓорге Иванов во Москва: “Денес во Русија се празнува Денот на словенската писменост, а писменоста во Русија дојде од македонската земја!“ Македонците по род во Албанија, во светот и татковината, ја отфрлаат новата “политичка историја“ за македонскиот народ и за Македонија, со која Бугарија и Грција вршат обиди Македонија од држава да се редефинира во територија без народ и историја чии администратори би биле Атина и Софија! Македонско друштво „Илинден“-Тирана со индигнација ги отфрла бугарскиот и грчкиот геноцид врз македонскиот народ, наци-фашистичкото барање на Грција за промена на името на државата Македонија и наци-фашистичкото барање на Бугарија за промена на името на македонскиот народ, јазик култура и историја. Ваквите барања се даваат од членки на едно т.н. европско демократско семејство, а сушност се уцени прикажувани како вредност за „добрососедство и солидарност“ во Брисел и Стразбур со страна на Атина и Софија! Македонското друштво “Илинден“-Тирана ја осудува Владата во Софија за дискриминаторските, расистичките и наци-фашистичките истапувања за непостоење на македонскиот народ во целина, како и бугаризирање на македонската историја!

Македонско друштво „Илинден“-Тирана апелира за помош за операција на Васил Јанкула, преспанскиот херој

Вклучувајќи се во акцијата, Македонско друштво „Илинден“-Тирана, упати апел секој кој колку може да донира средства за операција на Васил Јанкула, кој поради неговата храброст и покрај болеста, познат е како преспански херој. Васил Јанкула (29), Македонец од Албанија роден е во селото Туминец, Мала Преспа. Боледува од церебрална парализа поради породилна траума по време на породувањето и од таму и асфиксиja. Оваа болест полека почнала да биде негова препрека во животот. Но, и покрај ова опака болест позитивен дух и животен ентузијазам секогаш го водеа напред. Несакајќи оваа моја болест да го изолира и со желба да напредува во животот како и сите нормални луѓе, избра попреченоста да не го спречи активно да спортува. Велосипедизмот е мојот втор живот, мојата преродба која ме прави среќен и ми создава голем адреналин, како и желба за нови и невозможни предизвици. Покрај болеста, сепак јас сум позитивен и не дозволувам негативните мисли да ме победат. Благодарение на мојот ентузијазам во 2018 година одлучив поактивно да спортувам и почнав да возам трицикл на различни настани и маратони, под едно мото „Сите сме исти “. Одлучив да направам еден подвиг и со мојот трицикл да ја поминам Македонија. Успеав да ја реализирам зацртаната маршрута и така станав познат како преспански херој,вели Јанкула. Во 2019 година со трицикл испел да извози 3.000 километри за 3 месеци, што,како што вели,го направило среќен и успешен. Но, за жал, наскоро по овие достигнувања, неговото здравје почнало драстично да се влошува. Лекарите му дијагностицирале детска церебрална парализа – Спастична Квадриплегиja. Тоа е најтешката форма на церебрална парализа која влијае на целото тело, на главата, и на рацете и на двете нозе, без ментална ретардација, меѓутоа со говорна попреченост. Бидете хумани! Секому може да му се случи, Македонско друштво „Илинден“-Тирана.

Претседателот на македонско друштво “Илинден”-Тирана, Никола Ѓурѓај оствари средба со г-дин Горан Шумкоски преседавач на Родина – Македонија

Претседателот на македонското друштво “Илинден”-Тирана, Никола Ѓурѓај, по покана на Родина – Македонија ја посети канцеларијата на Родина во Прилеп и оствари средба со г-дин Горан Шумкоски преседавач на Родина – Македонија. Претседателот Шукоски ги поздрави сите заложби, посветеноста и ангажманот на македонското друштво “Илинден”-Тирана во насока на унапредување на позицијата и правата на Македонско национално малциство во Албанија. На срдечниот разговор искажан е заеднички став за унапредување на соработката меѓу македонското друштво “Илинден”-Тирана и Родина – Македонија како субјект што ке се залага за Македонското национално малциство во сосество.

Претседателот на Македонско друштво ”Илинден”-Тирана, Никола Ѓурѓај освари средба со писателот Милан Ј. Јовчески

Претседателот на Македонско друштво ”Илинден”-Тирана, Никола Ѓурѓај во Прилеп, оствари средба со Македонскиот писател Милан Ј. Јовчески. Писателот објавува книги од древното минато на македонскиот народ, култура и цивилизација. Тој нуди обемна архивска граѓа, задржувајќи се на античкиот локалитет Алкомена, а преку приказната на Македонецот ги раскажува приказните на другите Македонци. Јовчески ги напишал и творбите “Сведоци на милениумите”, “Беломорска болка”, “Македонски непокор”. Во таа пригода, писателот Милан Ј. Јовчески беше запозната со најновите активности на Македонско друштво ”Илинден”-Тирана, а беше истакната и потребата од соработка на полето на културата. Соговорниците беа согласни дека треба да се прошири соработката. Со верба дека ваквите средби нема да бидат инцидентни, Претседателот на Македонско друштво ”Илинден”-Тирана Никола Ѓурѓај, посака плодна и долготрајна соработка, писателот Милан Ј. Јовчески донираше книги за Македонско друштво ”Илинден”-Тирана.

Македонско друштво „Илинден“-Тирана најостра осуда на изјавите на Каракачанов

Македонско друштво “Илинден“-Тирана најостро ја осудува изјавата на бугарскиот вицепремиер и министер за одбpaна Красимир Каракачанов од 9 септември годинава “Си го сменивте името изнамето, ќе ја смените и историјата“, како дрска најава за блокада на преговорите на Првата меѓувладина конференција на Македонија со Европската Унија, доколку Македонија не го исполни Договорот од 1 август 2017 година за ревизија на македонската историја со епилог Македонците како Бугари, Македонскиот јазик како дијалект на Бугарскиот јазик, а Македонија како дел од Бугарија! Македонците во Албанија ги осудуваат софиската агресија, ревизионизам и иредентизам кон Македонскиот народ и Македонија! Македонците во Албанија го осудуваат софискиот наци-фашизам кон Македонија и Македонците во обидите за повампирување на руската креација на Санстефанска Бугарија од 3 март 1878 година, како неизживеана романса која никогаш не постоела, ниту кога и да е ќе се оствари, но претставува територијални претензии на Софија кон Македонија и отворена закана спротивна на добрососедските односи! Македонското друштво “Илинден“-Тирана, ја повикува интелектуалната и демократската јавност во Европа и светот најостро да ја отфрлат софиската агресија, ревизионизам и иредентизам за повторна окупација врз Македонија и геноцид врз Македонскиот народ! Македонците и Македонија не смеат повеќе да бидат жртви на шарлатански партии и умноболни поединци во соседна Бугарија кои наместо мир и љубов шират омраза и војна, расизам и апартхејд врз Македонците во татковината и во светот! Македонското друштво “Илинден“-Тирана ја осудува Владата во Софија за дискриминаторските, расистичките и наци-фашистичките барања за непостоење на Македонскиот народ во целина!

Македонско друштво “Илинден”-Тирана бара итна средба на претсавници од Владата на Албанија и на Македонија со цел да се отпочне со преземање мерки спас на Преспанското Езеро

Ваквото барање на Македонско друштво “Илинден”-Тирана не е ништо ново, ниту неостварливо. Напротив. Актуелната состојба со Прспанското Езеро бара итно преземање мерки бидејќи Езерото е на чекор до еколошка катастрофа. Преспанското Езеро, како едно од најстарите сочувани тектонски езера во светот, споменик на природата и дом на 1.500 ендемски видови животни. Но, според последната состојба, Езерото на одредени места е повлечено и до 200 метри од брегот. Алармантната состојба со недостатокот на вода засекогаш ќе го нарушат и уништат екосистемот на Преспанското Езеро. Во време кога и Македонија и Албанија, вложуваат сопствени средства, но земаат и огромни суми од европските институции за заштита на екосистемот, недозволиво е да не вложат во зачувување на флората и фауната во и околу Преспансото Езеро. Секако. Значењето на Езерото е огромно и за Македонците од областа Преспа кои егзостенцијално се поврзани со Преспанското Езеро, Економските импликации по населението кое живее околу Езерото се катастрофални. Страдаа земјоделието, риболовот туризмот. Вака согледувајќи ги последиците од незаинтересираноста на Владите на Македонија и Албанија, итно треба да преземат мерки за санирање на незавидната состојба на Преспанското Езеро. Секако, за еколошката катастрофа на Преспанското Езеро голема вина има и ненавременото реагирање на градоначалниците во општините чии атари се наоѓаат на бреговите на Преспанското Езеро. Членовите на Македонско друштво “Илинден”-Тирана сметаат дека молчењето и нереагирањето на уништувањето на Преспанското Езеро не е намерно и смислено делување на оние кои сакаат Македонците од преспанскиот крај да бидат економски зависни и понижени.

Честитка од Македонско друштво „Илинден“-Tирана за 8-ми септември денот на независноста на Македонија

Македонското друштво “Илинден“-Тирана и Македонското друштво “Илинден“- Огранокот Голо Брдо до сите Македонци каде и да се, упати честитка по повод осми септември, Денот на независноста на македонската држава. Во неа се наведува дека со „прогласувањето на независноста на Република Македонија, точно пред 29 години, се оствари сонот што многу генерации Македонци го сонувале“. Денешниот ден потсетува на предизвиците што македонската нација успеала да ги надмине и да го оствари вечниот стремеж за независна Македонија и подобро утре. Честит да ни е 29 роденден на нашата матична земја, Република Македонија. Да е вечен, да го почитуваме и славиме овој голем ден,- стои во честитката потпишана од претседателот на друштвото Никола Ѓурѓај и претседателот на разгранокот за Голо Брдо, Или Халилај.