Choose language:

vestial

Shoqata maqedonase “Ilinden”-Tiranë kërkon nga qeveria që Komiteti për Pakicat Kombëtare të kthehet në Agjenci

Shoqata maqedonase “Ilinden”-Tiranë, kërkon nga qeveria që Komiteti për Pakicat Kombëtare, nga një organ konsultativ i qeverisë, të shndërrohet në një Agjenci për Pakicat Kombëtare me kompetenca më të zgjeruara dhe detyruese për afirmimin e Pakicaave Kombëtare në Republikën e Shqipërisë.

Komiteti për Pakicat Kombëtare u krijua në vitin 2004 nga Qeveria Shqiptare si një institucion qendror në varësi të qeverisë, me detyrën e përmirësimit të mbrojtjes së minoriteteve në vend. Anëtarë janë përfaqësuesit e të gjitha pakicave të njohura në vend, duke përfshirë që në fillim kemi një përfaqësues maqedonas, tha Nikolla Gjurgjaj, kryetar i shoqatës.

Por ai shton se, siç konstatohet në shumë raporte të institucioneve ndërkombëtare që kanë të bëjnë me të drejtat e pakicave, ky institucion është i ndjeshëm ndaj ndërhyrjeve politike, e cila, sipas tij, rezulton në kontrollin e tij të plotë nga pushteti ekzekutiv dhe shndërrimin e tij nga një organ mbrojtës i minoritetet, në një organ të dëmshëm për dialogun mes qeverisë dhe pakicave.

Prandaj, ne besojmë se Komiteti për Pakicat Kombëtare duhet të jetë një zë i pavarur dhe aktiv i pakicave, me aftësi për të marrë pjesë në një dialog me Qeverinë për mbrojtjen dhe përmirësimin e të drejtave të pakicave në Republikën e Shqipërisë dhe se puna e tij duhet të jetë publike dhe prezente për mediat në vend vë në dukje ai.

Derisa të realizohet kjo kërkesë, shoqata në emër të maqedonasve uron që Komiteti për Pakicat Kombëtare të tregojë më shumë aktivitet për pakicat, natyrisht edhe për Pakicën Kombëtare Maqedonase në Republikën e Shqipërisë dhe të mos jetë në hije, duke shtuar se ky organ qeveritar “duhet t’i lartësojë pakicat dhe t’i ndihmojë në luftën e tyre për mbijetesë në Republikën e Shqipërisë”.

Trembëdhjetë vjet nga botimi i numrit të parë të gazetës maqedonase “Ilinden”

Trembëdhjetë vjet më parë, më 1 mars 2011 doli numri i parë i gazetës maqedonase “Ilinden” u botua si një numër i dyfishtë (mars / prill). Gazeta maqedonase “Ilinden” është gazetë e Shoqatës maqedonase “Ilinden”-Tiranë. Për trembëdhjetë vjet gazeta ka ngjallur interes të madh tek lexuesit maqedonas në Republikën e Shqipërisë, në atdheun Maqedoni, njëkohsisht dhe në diasporën maqedonase në botë.

Sipas letrave të shumta që arrijnë në adresën e postës elektronike të redaksisë si dhe komunikimit përmes profileve të gazetës në rrjetet sociale me lexuesit, vërejmë se në periudhën dymbëdhjet vjeçare gazeta është rritur në një gazetë serioze, lajmet dhe temat e të cilit gjithnjë e më shumë vinë tek pakica kombëtare maqedonase në Republikën e Shqipërisë.

Gazeta maqedonase “Ilinden” deri më tani ka shtypur 60 numra dhe duke filluar nga marsi 2017, përveç versionit të shtypur, gazeta mund të ndiqet dhe përmes faqes së internet, www.vesnik-ilinden.com Në atë mënyrë, gazeta jonë u bë e disponueshme për publikun e gjerë, për të gjithë maqedonasit në Republikën e Shqipërisl, rajon dhe të gjithë botën.

Nga shtatori 2017 gazeta maqedonase “Ilinden” u standardizua sipas normave ndërkombëtare për revistat e shtypura dhe elektronike me numër ISSN 2522-6282 (në internet) dhe ISSN 2522-4514 (shtypur). Gazeta maqedonase “Ilinden” është pjesë e tre platformave më të mëdha për lajme në Maqedoni www.grid.mk , www.daily.mk dhe www.vesti.mk

Dhe nga gushti 2022 gazeta maqedonase “Ilinden” është anëtare e platformës së Aleancës për Media Etike (AEM), ku janë anëtare 29 media të shkruara dhe audiovizive në Shqipëri.

Misioni i gazetës sonë mbetet të inkurajojë dhe promvojë gjuhën maqedonase dhe identitetin maqedonas në Republikën e Shqipërisë. Ne mbetemi të sigurt se veprimtaritë tona do të mbështeten në mënyrë adekuate nga institucionet shtetërore të Republikës së Shqipërisë dhe Republikës së Maqedonisë, si dhe nga maqedonasit në të gjithë botën.

Redaksia e gazetës maqedonase “Ilinden” shprehë mirënjohje për të gjithë bashkëpunëtorët e saj, të cilët ndihmuan në konceptimin e përmbajtjes tematike dhe vizive të gazetës. Gazeta maqedonase “Ilinden” jep një kontribut të madh për ngritjen e çështjeve me interes për maqedonasit në Republikën e Shqipërisë, dhe vazhdimisht punon për mbrojtjen dhe afirmimin e identitetit etnik, gjuhësor, kulturor dhe traditave kombëtare të Maqedonasve në Republikë e Shqipërisë.

Në të njëjtën kohë, redaksia shprehë mirënjohje për lexuesit besnikë për interesin e treguar për përmbajtjen e ofruar nga gazeta.

 

Me respekt

Nikolla Gjurgjaj

Kryredaktor i gazetës maqedonase “Ilinden”

Shoqata maqedonase “Ilinden”-Tiranë kërkon nga Bashkia Dibër vendosjen e pllakës përkujtimore në fshatin Herbel për akademikun Goran Stefanovski me origjine nga fshati Herbel

Shoqata maqedonase “Ilinden”-Tiranë kërkon nga Bashkia Dibër dhe nga Këshilli Bashkiak Dibër që në fshatin Herbel, Njësia Administrative Maqellarë, Bashkia Dibër të vendoset pllakë përkujtimore për dramaturgun e shquar dhe akademikun Goran Stefanovski me origjine nga fshati Herbel, në nder të Pakicës Kombëtare Maqedonase qe banon në harmoni në fshatin Herbel, Njësia Administrative Maqellarë.

Goran Stefanovski (1952-2018) është dramaturgu më i shquar dhe akademik maqedonas i gjysmës së dytë të shekullit të 20-të dhe një nga dramaturgët më të interpretuar në skenat teatrore anembanë Europës. Ai kaloi një pjesë të jetës së tij në Britaninë e Madhe, duke përfshirë edhe në Universitetin e Canterbury-t ku ishte një profesor i respektuar.

Prejardhja e Stefanovskit është nga fshati Herbel, gjyshi i tij Strezo dhe gjyshja Altana kanë jetuar në fshatin Herbel dhe janë shpërngulur në Shkup. Origjina nga kjo zonë dhe historia familjare ka pasur ndikim të madh në veprën e Stefanovskit dhe ai vazhdimisht interesohej dhe kërkonte për historinë e rrënjëve të familjes së tij dhe me familjen e tij kishte vizituar disa herë fshatin Erbele.

Tashmë ka pllakë përkujtimore për Stefanovskin në Shkup dhe Canterbury. Pllaka përkujtimore në tre gjuhë, në fshatin Herbel aty ku janë rrënjët e tij, do të jetë një pikë kontakti për lidhjet multikulturore midis Shqipërisë dhe Maqedonisë dhe inkurajimin e projekteve të mëtejshme të bashkëpunimit në sferën kulturore dhe do të ndimojë në afirmimin e fshatit Herbel si shembull i bashkëjetesës.

Përmbajtja e pllakës përkujtimore do jetë në tre gjuhë shqip, maqedonisht, dhe anglisht do të jetë si më poshtë:

“Të gjitha krijesat e gjalla lindin me instinkt mbijetese. Për të mbijetuar, merimangat thurrin rrjetë. Për të mbijetuar, ne thurrim histori. Për ne nuk ka asgjë më të rëndësishme se këto histori. Ato janë thelbi i jetës sonë, shtylla e identitetit tonë.”

Goran Stefanovski

Nga fshati Herbel janë rrënjët familjare të dramaturgut dhe akademikut të shquar maqedonas  Goran Stefanovski (1952-2018).

 

Urim nga Shoqata maqedonase “Ilinden”-Tiranë me rastin e ditës ndërkombëtare të gjuhës amtare

Urime të sinqerta për Pakicën Kombëtare Maqedonase në Republikën e Shqipërisë, si dhe për të gjithë maqedonasit në mbarë botën, nga Shoqata maqedonase “Ilinden”-Tiranë me rastin e Ditës Ndërkombëtare të Gjuhës Amtare 21 Shkurt. Duke ju uruar festën, dëshirojmë të theksojmë rëndësinë e edukimit në gjuhën amtare, sepse është segmenti më i rëndësishëm në edukimin e tipareve themelore të një kombi. Edukimi i gjuhës amtare për fëmijët e pakicës kombëtare maqedonase në Republikën e Shqipërisë, do të thotë forcimi dhe ruajtja e identitetit kombëtar dhe kulturor, në mënyrë që fëmijët tanë të edukohen për të ushqyer siç duhet traditat e tyre kulturore dhe fetare.

Telegram ngushëllime nga Shoqata maqedonase “Ilinden”-Tiranë për familjen e Fote Nikollës

Pas vdekjes së njërit prej veprimtarëve dhe luftëtarëve më të mëdhenj për të drejtat e maqedonasve në Republikën e Shqipërisë, Fote Nikolla, Shoqata maqedonase “Ilinden”-Tiranë i dërgoi telegram ngushëllimi familjes.

Shoqata maqedonase “Ilinden”-Tiranë mori lajmin për ndarjen nga jeta të Fote Nikollës, veprimtari dhe luftëtar i shquar maqedonas për të drejtat e maqedonasve në Republikën e Shqipërisë.

Më lejoni që në emër të Shoqatës maqedonase “Ilinden”-Tiranë dhe në emrin tim dhe në emër të Pakicës Kombëtare Maqedonase në Republikën e Shqipërisë t’ju shpreh ngushëllimet e mia të sinqerta. Vdekja e Foto Nikollës është një humbje e madhe për familjen tuaj, por edhe për Pakicën Kombëtare Maqedonase në Republikën e Shqipërisë.

Shoqata maqedonase “Ilinden”-Tiranë i shpreh ngushëllimet e sinqerta familjarëve.

 

Shoqata Maqedonase “Ilinden” -Tiranë ndau çmimin “Ilinden” dhe çertifikatë mirënjohjeje “Ilinden” me rastin e pesëmbëdhjet vjetorit

Shoqata maqedonase “Ilinden”-Tiranë ndau çmimin “Ilinden” dhe çertifikatë mirënjohjeje “Ilinden” me rastin e pesëmbëdhjet vjetorit të themelimit të Shoqatës maqedonase “Ilinden”-Tiranë, organet drejtuese të saj dhe Kryetari z. Nikolla Gjurgjaj sollën vendim për dhënjen e çmimit “Ilinden” dhe çertifikatës së mirënjohjes “Ilinden”. Çmimet dhe çertifikatat e mirënjohjes u jepen individëve për meritat e tyre të veçanta për angazhim në aktivitete që synojnë ruajtjen e identitetit maqedonas të anëtarëve të Pakicës Kombëtare Maqedonase në Republikën e Shqipërisë. Nga të propozuarit u zgjodhën persona të cilët me angazhimin e tyre kontribuan për Pakicës Kombëtare Maqedonase në Republikën e Shqipëri dhe për Shoqatës maqedonase “Ilinden”-Tiranë. Çmimin “Ilinden” dhe çertifikatë mirënjohjeje “Ilinden” jepen dhe dorëzohen personalisht nga Kryetari i Shoqatës maqedonase “Ilinden”-Tiranë.
Këtë vit Çmimi “Ilinden” i jepet:
1. “Nova Makedonija” – Gazeta e parë ditore në gjuhën maqedonase që nga viti 1944 – Shkup, Republika e Maqedonisë
Këtë vit Çertifikatë Mirënjohjeje “Ilinden” i jepet:
1. Z. Jovan Shkëmbi – Këshilltar i Aleancës Maqedonase për Integrim Evropian në Këshillin Bashkiak Pogradec dhe përfaqësues në Këshillin e Qarkut Korçë
2. Z. Zhivko Lazarov – Kryetar i Klubit maqedonas “Ilinden”- Lacen, Gjermani
3. Dr. Vesna Mojsova – Çepishevska – Profesore në Fakultetin Filologjik “Blazhe Koneski”, ish-drejtore e Seminarit Ndërkombëtar për Gjuhë, Letërsi dhe Kulturë Maqedonase në Universitetin “Shën Kirili dhe Metodi”- Shkup, Republika e Maqedonisë
4. Z. Ivan Antonovski – Asistent në Fakultetin Filologjik “Blazhe Koneski” në Universitetin “Shë. Kirili dhe Metodi” në Shkup, Republika e Maqedonisë
5. Z. Dejan Kosteski – Kryetar i Klubit të Hendbollit “Enhalon”, Strugë, Republika e Maqedonisë
6. Z. Dalibor Stankoviq – Gazetar në gazetën “Nova Makedonija”- Shkup, Republika e Maqedonisë
Kryetari i Shoqatës maqedonase “Ilinden”-Tiranë, Nikolla Gjurgjaj përgëzon dhe falënderon fituesit e çmimeve për vitin 2024 me shpresën se do të shërbej si një nxitje për angazhimin e mëtejshëm të tyre për të punuar në interes të maqedonasve në Republikën e Shqipërisë.

Pesëmbëdhjetë vjet nga themelimi i Shoqatës maqedonase “Ilinden”-Tiranë

Këtë vit bëhen pesëmbëdhjetë vjet nga dita e themelimit të Shoqatës maqedonase “Ilinden”-Tiranë. Shoqata maqedonase “Ilinden”-Tiranë është themeluar më 6 shkurt 2009 dhe regjistruar në Tiranë, me qëllim mbrojtjen e identitetit etnik, gjuhësor, kulturor, fetar, historik të Pakicës Kombëtare Maqedonase në Republikën e Shqipërisë.

Rëndësi të veçantë për punën dhe informacionin për veprimtarinë e Shoqatës maqedonase “Ilinden”-Tiranë ka botimi i gazetës maqedonase “Ilinden”, e cila përveç versionit të shtypur ka edhe botim elektronik. Në të botohen aspekte të ndryshme të jetës së maqedonasve në Republikën e Shqipërisë.

Duke pasur parasysh se interesi për punën e Shoqata maqedonase “Ilinden”-Tiranë ishte vazhdimisht në rritje, dhe banorët maqedonas në Golobërdë, Elbasan dhe Tiranë ishin aktivisht të përfshirë në punën e saj, ishte sfidë hapja e degëve të Shoqatës. Kështu, më 15 tetor 2012, Shoqëria Maqedonase “Ilinden”-Tiranë hapi degën e saj në zonën e Gollobordës. Qëllimi i tij është të mbrojë interesat, kulturën dhe traditën e Pakicës Kombëtare Maqedonase në zonën e Gollobordës.

Rritja e Shoqatës maqedonase “Ilinden”-Tiranë vihet re edhe në vitin 2021, kur për qarkun e Elbasanit u emërua kordinator i Shoqatës maqedonase “Ilinden”-Tiranë.

Duke pasur parasysh nevojën e kontaktit me institucionet në atdheun, veçanërisht për të mbështetur projekte të rëndësishme për maqedonasit në Republikën e Shqipërisë, në vitin 2020 është emëruar kordinator i përgjithshëm i Shoqatës maqedonase “Ilinden”-Tiranë për Maqedoninë.

Prezenca shumëvjeçare e Shoqatës maqedonase “Ilinden”-Tiranë në Unionin Federal të Kombësive Evropiane dhe në organizata të tjera ndërkombëtare tregoi nevojën e emërimit të Kordinatorit Ndërkombëtar të Shoqatës maqedonase “Ilinden”-Tiranë, i cili u realizua në vitin 2023.

Shoqata Maqedonase “Ilinden”-Tiranë për një periudhën pesëmbëdhjetëvjeçare ka mbajtur takime të panumërta me shumë institucione shtetërore në ekzekutivin dhe pushtetin lokal dhe kemi zgjeruar bashkëpunimin me sektorin joqeveritar, brenda dhe jashtë vendit.

Shoqata maqedonase “Ilinden”- Tiranë është anëtare e Bashkimit Federal të Kombesive Evropiane (FUEN) që nga 16 maj 2015 si dhe pjesë e Grupit të Punës të Pakicave Sllave pranë FUEN. Si pjesëmarrës aktiv në FEUN, anëtarët e Shoqatës deri më tani marrin pjesë në të gjitha kongreset dhe paraqesim rezoluta, shoqata maqedonase “Ilinden”-Tiranë kontribuon si anëtare e barabartë dhe zë i fuqishëm i Pakicës Kombëtare Maqedonase.

Në këto pesëmbëdhjetë vjet, si kryetar i shoqatës maqedonase “Ilinden”- Tiranë, së bashku me kolegët e mi, patëm rastin të bëjmë vizita të shumta pune dhe zyrtare, të takohemi dhe të bashkëpunojmë me institucionet qeveritare në Shqipëri dhe në shtetin amë Maqedoni, si dhe me organizatat ndërkombëtare.

Gjatë të gjitha takimeve të zhvilluara me përfaqësuesit e institucioneve shtetërore në Shqipëri, si dhe në shtetin amë Maqedoni dhe institucionet evropiane, kemi shfrytëzuar çdo mundësi për të shkëmbyer mendime për çështje të rëndësishme për avancimin e pozitës dhe të drejtave të Pakicë Kombëtare Maqedonase në Republikën e Shqipërisë. Ndonëse jo gjithmonë gjejmë një zgjidhje të përbashkët apo të kënaqshme për një problem të caktuar, sërish shpreh mirënjohjen time të duhur për të gjitha institucionet shtetërore në Shqipëri  dhe Maqedoni.

Shfrytëzoj rastin për t’i dërguar një kritikë dashamirëse Qeverisë së Republikës së Shqipërisë dhe ministrive dhe organizatave përkatëse që t’i kushtojnë vëmendje të veçantë dhe t’i përgjigjen pozitivisht kërkesës sonë për mësimin e gjuhës amtare maqedonase për fëmijët në zonat e Gollobërdës dhe Gorës, dhe kudo që ka një numër të konsiderueshëm maqedonas.

Kërkojmë nga Qeveria që të ndryshojë organizimin territorial të vetëqeverisjes lokale dhe të pranojë komunat në zonat e Gollobordës dhe Gorës ku jetojnë maqedonas.

Njëkohësisht kërkojmë nga Qeveria e Shqipërisë dhe Maqedonisë funksionalizimin e plotë të pikës kufitare Trebishtë – Xhepishte në zonën e Gollobordës, e cila është e nevojshme që njerëzit të komunikojnë më lehtë në të dyja anët e kufirit.

Pikëpamjet tona për Ligjin për Pakicat Kombëtare në Republikën e Shqipërisë janë të njëjta si përpara miratimit të këtij ligji. E kemi theksuar disa herë se ligji duhet të zgjidhë problemet urgjente të Pakicave Kombëtare në Republikën e Shqipërisë por Ligji i miratuar nuk e ka arritur efektin e duhur. Ai solli probleme shtesë, të cilat janë negative jo vetëm për maqedonasit, por edhe për Republikën e Shqipërisë në tërësi.

I bëj thirrje Komitetit për Pakicat Kombëtare që të tregojë më shumë vëmëndje për Pakicat Kombëtare në Republikën e Shqipërisë dhe të mos jetë në hije. Komiteti duhet të lartësojë pakicat dhe t’i ndihmojë në luftën e tyre për mbijetesë në Republikën e Shqipërisë.

Në të njëjtën kohë, i kërkojmë Qeverisë së Shqipërisë të transformojë, Komitetin për Pakicat Kombëtare, nga një organ konsultativ të Qeverisë në një Agjenci për Pakicat Kombëtare me kompetenca detyruese për afirmimin e Pakicave Kombëtare në Republika e Shqipërisë. Komiteti për Pakicat Kombëtare u krijua në vitin 2004 nga Qeveria Shqiptare si një institucion qendror në varësi të qeverisë, me detyrën e përmirësimit të mbrojtjes së Pakicave Kombëtare. Shumë raporte të institucioneve ndërkombëtare që merren me të drejtat e Pakicave, theksojnë se ky institucion është nën dikim të politikës, duke rezultuar në kontrollin e tij të plotë nga pushteti ekzekutiv dhe shndërrimin e tij nga një organ për mbrojtjen e Pakicave, në një organ të dëmshëm për dialogun ndërmjet Qeveria dhe pakicat. Prandaj, ne besojmë se Komiteti për Pakicat Kombëtare duhet të jetë një zë i pavarur dhe aktiv i minoriteteve, me aftësi për të marrë pjesë në një dialog me Qeverinë për mbrojtjen dhe përmirësimin e të drejtave të Pakicave në Shqipëri dhe se puna e tij duhet të jetë publike dhe prezantuese për mediat në vend.

Shoqata maqedonase “Ilinden”-Tiranë mbetet e përkushtuar në luftën për Pakicën Kombëtare Maqedonase në Republikën e Shqipërisë, për avancimin e pozitës dhe të drejtave të maqedonasve bazuar në parimin bazë të së drejtës ndërkombëtare të sovranitetit të barabartë.

Dua t’u bëj thirrje të gjitha institucioneve shtetërore, si dhe të gjitha partive politike dhe sektorit joqeveritar në shtetin amë  Maqedoni që t’u japin mbështetje maqedonasve në Republikën e Shqipërisë, të ofrojnë mbështetje të vazhdueshme për zgjidhjen e problemeve të hidhura që vazhdojnë.

Dëshiroj të shpreh një falënderim të veçantë për të gjithë ata që ndihmuan Shoqatën maqedonase “Ilinden”-Tiranë në këto pesëmbëdhjetë vjet.

Për nder të 15 vjetorit të Shoqata maqedonase “Ilinden”-Tiranë, dëshiroj t’u bëj thirrje të gjitha institucioneve shtetërore si dhe të gjitha partive politike dhe sektorit joqeveritar në Shqipëri dhe Maqedoni që të mbështesin maqedonasit në Republika e Shqipërisë, dhe ti ofrojnë mbështetje të vazhdueshme për zgjidhjen e problemeve, do të dëshirojmë më shumë tekste të botohen në gazetën “Ilinden”. U shumëfishofshin vitet e punës së suksesshme të Shoqatës maqedonase “Ilinden”-Tiranë, dhe për arritjet e saj le të tregojë historia.

Maqedonasit në Republikën e Shqipërisë dhe Shqiptarët në Republikën e Maqedonisë janë ura e vëllazërisë dhe miqësisë mes dy popujve dhe dy vendeve.

Qofshin të përjetshëm maqedonasit në Republikën e Shqipërisë!

Rroftë miqësia shqiptaro – maqedonase!

 

Me respekt,

Nikolla Gjurgjaj

Kryetar i Shoqatës maqedonase ‘’Ilinden”-Tiranë

Shënohen 152 vjet nga lindja e revolucionarit maqedonas Goce Dellçev

Revolucionari maqedonas Goce Dellçev lindi më 4 shkurt 1872 në Kukush të Maqedonisë së Egjeut, ideolog, organizator dhe udhëheqës i lëvizjes revolucionare maqedonase në fund të shekullit të 19-të dhe në fillim të shekullit të 20-të. Ai ishte produkt i epokës së tij, i cili shprehte aspiratat e popullit maqedonas për liri nga skllavëria osmane. Vdiq në prag të kryengritjes së Ilindenit më 4 maj 1903 në fshatin Banicë të Serskos në luftime me ushtrinë osmane që rrethoi fshatin. Më 11 tetor 1946, eshtrat e Goce Dellçevit u transferuan në Shkup të Maqedonisë në Kishën e Shën Spasit, ku ndodhen edhe sot.

Komisioni Qendror i Zgjedhjeve pas reagimit të Shoqatës Maqedonase “Ilinden”-Tiranë korrigjoi posterin dhe tani qëndron pakica kombëtare maqedonase

Pas reagimit të Shoqatës Maqedonase “Ilinden”-Tiranë, Komisioni Qendror i Zgjedhjeve korrigjoi posterin në gjuhën maqedonase duke e emërtuar si pakicë kombëtare maqedonase, e njohur zyrtarisht në Republikën e Shqipërisë. Shoqata maqedonase “Ilinden”-Tiranë shpreh mirënjohjen për zgjidhjen e shpejtë të Komisionit Qendror të Zgjedhjeve.

Shoqata maqedonase “Ilinden”-Tiranë ka reaguar  ashpër ndaj posterit të KQZ-së: Jemi pakicë kombëtare maqedonase

Shoqata Maqedonase Ilinden”-Tiranë reagon ashpër në lidhje me posterin e publikuar të Komisionit Qendror të Zgjedhjeve (KQZ) në të cilin minoriteti maqedonas renditet si “minoriteti kombëtar i Maqedonisë së Veriut”. Ne reagojmë më ashpër sepse ajo që shkruan Komisioni Qendror i Zgjedhjeve është fyerje e dinjitetit dhe identitetit kombëtar të pakicës kombëtare maqedonase në Republikën e Shqipërisë. Si mund të ketë një gabim kaq katastrofik në poster, në kuadër të programit për edukimin elektoral të pjesëtarëve të pakicave kombëtare në gjuhën e komunitetit të tyre. Ne jemi minoritet maqedonas ose maqedonas në Republikën e Shqipërisë, siç na njeh Ligji për mbrojtjen e pakicave, tha i indinjuar Nikolla Gjurxhaj për gazetën maqedonase “Ilinden”. KQZ për zgjedhjet vendore që do të mbahen më 14 maj 2023, për herë të parë në historinë e proceseve zgjedhore në Shqipëri, miratoi një program të posaçëm për informimin dhe ndërgjegjësimin e zgjedhësve që janë pjesëtarë të pakicave kombëtare në Republika e Shqipërisë, përfshirë Maqedoninë. Por, thotë Gjurxhaj, ai na quan maqedonasit “pakica kombëtare e Maqedonisë së Veriut”, me të cilën nuk pajtohemi fare dhe nesër do t’i përgjigjemi kryetarit të KQZ-së, Ilirian Tselibashi dhe komisionerit për diskriminim, Robert Gajda. .