Ознака: <span>Македонско друштво “Илинден”-Тирана</span>

Home
News

Македонско друштво “Илинден”-Тирана ви посакува среќен 8-ми Март

Македонско друштво “Илинден”-Тирана ви посакува среќен 8 ми март, Меѓународен ден на жената.

Македонско друштво “Илинден”-Тирана

Македонско друштво “Илинден”-Тирана ви посакува среќен 7-ми март, Денот на учителот

Македонско друштво “Илинден”-Тирана ви посакува среќен 7 март, Денот на учителот почит до сите учители кои го осветлуваат нашиот пат со своето знаење и посветеност!

Македонско друштво “Илинден”-Тирана

Вистината за Македонците во Албанија паника кај бугарите

Бугарската пропаганда во Албанија за асимилирање на Македонците и измислување на т.н. Бугари во областите каде живеат Македонци во Албанија може да успее само доколку сите Македонци се продадат за грст златници подарени од бугарските изроди.

Македонците живеат и ќе живеат во областите каде со векови живееле во Преспа, Голо Брдо, Гора и Врбник. Но, да почнеме по ред за да видиме како е дојдено до оваа состојба денес, каде бугарската држава неуморно работи за создавање на бугарско малцинство во Албанија.

На 3 март 1878 година, после руско-турската војна во која победила Русија, за потребите од поголема интересна сфера на Русија, од страна на руските владетели била измислена т.н. Сан Стефанска Бугарија во која влеувале македонски и албански територии. Тоа значело дека Русија, како ментор и господар на бугарската држава, имала можност да ја прошири својата власт многу подалеку од дотогашната. Ваквата намера на Русија била осуетена од големите европски држави, кои веднаш го свикале Берлинскиот конгрес (13 јуни-13 јули 1878 год.) за ревизија на Сан Стефанскиот договор. После решенијата на Берлинскиот договор интересната сфера на влијание на Русија била сведена на Бугарија, а македонските и албанските територии биле изземени. Со тоа, рускиот проект, кој никогаш не заживеал, бил ставен вон меѓународна верификација.

И покрај тоа, властите во Бугарија до денес го сонуваат санстефанскиот сон и вложуваат огромни средства за реализирање на рускиот проект од 19 век.

Историски гледано, бугарската политика се обидела да ја воспостави својата власт врз македонските и албанските територии и во периодот на Првата и Втората светска војна, но секогаш се наоѓала на страната на губитниците на двете војни, па обновувањето на рускиот проект за Сан Стефанска Бугарија не успеало.

Но, бугарските политички елити не престанаа да живеат во сонот од 19 век дури и во 21 век. Намерата да се реализира рускиот проект беше воскреснат во 2007 година. Имено, тогаш Бугарија, требаше да се откаже од руските ментори за што беше наградена со влез во Европската Унија, а европските ментори сесрдно почнаа да помагаат во реализацијата на рускиот проект на Балканот.

Еден од начините за таа цел беше и идејата на бугарските политичари да ги асимилираат Македонците во Албанија и на европските ментори да им ги прикажат како Бугари. За таквата пракса не жалат ниту средства, ниту емисари. Почнаа со „благонадежни“ и лесно податливи Македонци на кои им беа ветувани стипендии за децата за школување во Бугарија, со делење на бугарски пасоши за Македонците кои сакаа да избегаат од сиромаштијата во Албанија, со интензивно финансирање на т.н. фондации кои штедро се расфрлаа со „подароци“ за измислените Бугари во областите каде живеат Македонци. Ваквите акции имаат само една цел, да се „докаже“ дека во деловите од Албанија населени со Македонци живеат Бугари, а доколку се успее во таа мисија на менторите во Европската Унија да им објаснат дека доколу од исток на Македонија живеа Бугари, од запад на Македонија живеат Бугари, задолжително би било оние во Македонија да бидат Бугари.

За жал на Македонците, кон приказната за „измелезените“ Бугари во Албанија се приклучи и албанската Влада. Под директна закана од Бугарија дека ќе го кочи патот на Албанија кон Европската Унија, во 2017 година во Законот за малцинства албанската Влада, кон останатите малцинства го додаде и непостоечкото бугарско малцинство без ниту еден Бугарин регистриран на ниту еден Попис во Албанија. Се разбира, ваквите уцени на Бугарија не беа спомнати од Европјаните, а понижувачкиот чин на албанската Влада покажа дека Македонците се само карта за поткусурување. На тој начин, Македонците во Албанија станаа колатерална штета и влезен билет на Албанија во „демократското“ европско семејство и чекор напред за реализирање на рускиот проект од 19. век.

Откако се создаде поволна почва за асимилирање и понижување на Македонците во Албанија, следен чекор беше континуираното труење на бугарската јавност со „душманите“ на Бугарите во Албанија кои не сакаат да се побугарчат. Воедно, пракса стана да се создадат што поголем круг на фондации и медиуми кои ќе бидат „гласноговорници“ за заштита на измелезените Бугари меѓу нас.

Имајќи предвид дека Македонците во Албанија после енверовиот период јасно и гласно си го штитеа своето етничко потекло, почнаа да се организираат во свои здруженија, а после долга работа за здруженијата беше оформена и првата македонска политичка партија Македонска алијанса за европска интеграција. Воедно, во Албанија почнаа да се печатат бројни книги од Македонци со нивни спомени и истражувања за животот на Македонците во Албанија. Во почетокот на 2027 година го отворивме и порталот minoritete.al во кој треба да се објавуваат најважните активности на малцинствата во Република Албанија.

Фактот што во Албанија никогаш немало Бугари беше пресуден што од 1990 до 2027 година нема формирано ниту едно автохтоно бугарско здружение и нема објавено ниту една книга од Бугарин за животот и осотојбите на Бугарите во Албанија.

И токму тој факт е основната причина зошто бугарските медиуми се целосно насочени кон понижување и негирање на активноста на Македонците во Албанија.

Таков е и случајот со текстот во извесен портал https://www.actualno.com/balkani/panika-sred-makedonistite-zaradi-bylgarite-v-albanija-syzdadoha-nov-provodnik-na-propaganda-news_2556106.html чиј наслов точно говори за нивната задача. Имено во текстот „Паника меѓу Македонистите поради Бугарите во Албанија: Тие создадоа нов канал за пропаганда“ се вели: „Македонската организација во Албанија Илинден”-Тирана, која е аналогна на непризнаената во Бугарија ОМО „Илинден“ и која се смета за маргинална организација во самата албанска земја – оваа недела создаде нова веб-страница за малцинствата. Веб-страницата се вика minorite.al, што на албански значи „малцинства“. Веб-страницата беше рекламирана на почетокот на неделата од претседателот на Македонско друштво “Илинден”-Тирана, Никола Ѓурѓај.“

Иако, претседателот на Македонското друштво “Илинден”-Тирана, Никола Ѓурѓај и самиот изјави дека „Со особено задоволство ви ја претставувам мојата лична иницијатива minoritete.al, првиот национален онлајн медиум во Република Албанија, посветен исклучиво на националните малцинства“, тоа бугарскиот портал го превидува дека порталот е наменет за активностите на малцинствата во Албанија. Фактот што во Албанија нема бугарско малцинство и нема никакви активности тоа вештачки создадено малцинство, веројатно е стравот што порталот ќе нема што да објавува за „новоиспилените“ Бугари.

Воедно, ваквите портали не го кријат својот анимозитет и кон претседателот на македонската партија МАЕИ, м-р Васил Стерјовски, па ја користат секоја прилика наместо да известуваат, да даваат свои квалификации за него. За таа цел, секако, ги користат новосоздадените Бугари во Албанија. Таков е случајот и со Ервис Талури, роден и израснат во Албанија, од татко Албанец и мајка Македонка, по целосно школување, финансирано и организирано од бугарската држава – од средно образование до докторски студии – денес се враќа во Албанија како „експерт“ за бугарско малцинство, со задача да ги негира Македонците, да ја напаѓа македонската партија и да ја релативизира вистината.

И додека европските ментори молчат за силеџиите од Бугарија во Албанија, нека продолжат да го помагаат реализирањето на рускиот проект Сан Стефанска Бугарија. Ние немаме ништо со тоа, само посочуваме дека со отворените закани кон нас нема да нѐ замолчат и со нивните златници нема да нe купат. Македонците опстоеле и ќе опстојат!

Македонско друштво “Илинден”-Тирана

Mакедонско друштво “Илинден“-Тирана додели Награда “Илинден” и Благодарница “Илинден” по повод седумнаесетгодишнината

Mакедонско друштво “Илинден“-Тирана ги додели годинешните награда “Илинден” и благодарница “Илинден”. По повод седумнаесетгодишнината

од основањето и плодната работа на Mакедонско друштво “Илинден“-Тирана, неговите Управни органи и претседателот г-дин Никола Ѓурѓај, донесоа Одлука за доделување на Благодарници “Илинден” и Награда “Илинден”. Благодарниците и наградата се доделуваат на лица за нивните особени заслуги за ангажман и перманентните активноси во насока на зачувување и одржување на македонскиот идентитет на припадниците на македонското национално малцинство во Република Албанија. Така и оваа година беа предложени повеќе лица за добивање на благодарница “Илинден” и награда “Илинден”. Од предложените беа избрани лица, кои со својот ангажман придонеле за подобрување на животот, историјата, културата и зачувување на автентичната македонска традиција на Македонците. Благодарницата и наградата “Илинден” ги доделува и врачува лично претседателот на Mакедонско друштво “Илинден“-Тирана.

Оваа година Награда “Илинден” му се доделува на:

Работна група за словенски малцинства (АГСМ) при Федералната унија на европски националности (ФУЕН) – Германија

Оваа година Благодарница “Илинден” се доделува на:

Отец Илиа Мазнику – Свештеник на Албанската автокефална православна црква, со потекло од областа Голо Брдо – Тирана, Албанија
Курир.мк – Скопје, Македонија
Г-дин Љупчо Златев – Уредник на Лидер – Скопје, Македонија
Република.мк – Скопје, Македонија
Г-ѓа Марјана Дода – Уредник на Aргументум, Тирана, Албанија
Д-р Илир Шута – Новинар, Телевизија СОТ 7, Поградец, Албанија

Претседателот на Mакедонско друштво “Илинден“-Тирана г-дин Никола Ѓурѓај им ги честитаат наградата и благодарниците на добитниците за 2026 година со надеж дека истите ќе послужат како поттик за натамошен ангажнман на наградените во нивната досегашна определба да работат во интерес на вистината за животот и ангажманите на Македонците во Република Албанија.

Македонско друштво “Илинден”-Тирана, Претседател Никола Ѓурѓај

Македонското друштво “Илинден“-Тирана апелира за итна интервенција на патот што ја поврзува Албанија со Македонија на граничниот премин Требиште-Џепиште, во областа Голо Брдо

Македонско друштво “Илинден“–Тирана апелира до општина Булќиза и до Административна единица Требиште итно да се отстрани одронот на патот што го поврзува граничниот премин Требиште–Џепиште, во областа Голо Брдо, со Македонија. Блокадата го отежнува секојдневното движење на населението и ја нарушува комуникацијата меѓу двете страни на границата. Македонско друштво “Илинден“-Тирана бара брза интервенција и обезбедување безбеден и непречен сообраќај.

Македонско друштво “Илинден”-Тирана
Претседател Никола Ѓурѓај

Kоординатор на Македонско друштво “Илинден”-Тирана за областа Голо Брдо, Фатри Фетаху

Македонско друштво “Илинден”-Тирана против отворање мигрантски центри во општина Пустец областа Преспа

Македонското друштво “Илинден“-Тирана бара итно од Владата повлекување на одлуката за отворање на три прифатни центри за мигранти на територијата на Општина Пустец, во областа Преспа, и тоа: во селото Зрноско, на спортските игралишта во Пустец и во селото Долна Горица.

Оваа одлука произлегува од нормативниот акт „За одобрување на Националниот план за контингенција за мешани миграциски текови 2026–2028 година“, објавен во Службен весник, според кој, во случај на криза, за управување со миграциските текови е предвидено формирање на 20 прифатни центри за мигранти на територијата на Република Албанија во текот на следните две години.

Овие центри се планирани за мигранти од Авганистан, Пакистан, Иран, Сирија, Либан и Газа, кои ја користат Република Албанија како транзитна земја кон Европската Унија.

Македонско друштво “Илинден”-Тирана дава целосна подршка на барањето на Македонска алијанса за европска интеграција (МАЕИ) за стопирање на отворањето на трите прифатни центри за мигранти на територијата на општина Пустец.

Македонско друштво “Илинден”-Тирана го осудуваат фактот дека оваа одлука е донесена без никакви јавни консултации со македонската заедница во општина Пустец, без дијалог со локалните актери, со што сериозно се кршат принципите на локалната самоуправа, транспарентноста и партиципативната демократија.

Нагласуваме дека изградба на прифатни центри се наоѓаат на брегот на Преспанското Езеро, додека целата територија на Општина Пустец е дел од Националниот парк Преспа, заштитено подрачје од особено еколошко, културно и туристичко значење.

Општина Пустец е прогласена за туристичко подрачје, додека селото Зрноско е вклучено од самата албанска влада во програмата од 100 туристички села.

Македонците во Преспа не бараат прифатни центри за мигранти, туку конкретни инвестиции во инфраструктура, туризам, земјоделство и одржлив развој, со цел Преспа да се трансформира во вистинска туристичка дестинација и да се запре процесот на депопулација на областа.

Македонско друштво “Илинден”-Тирана бара од Влада итно отстранување на Општина Пустец од мапата предвидена за формирање прифатни центри за мигранти, Планирање и спроведување на конкретни инвестиции во инфраструктурата и локалниот развој, земајќи го предвид фактот дека областа на Преспа е запоставена во последните 35 години.

Одлуката претставува директно кршење на член 16 од Законот бр. 96/2017 „За заштита на националните малцинства во Република Албанија“ кој строго забранува преземање државни мерки што го менуваат или имаат за цел да го променат демографскиот состав на единиците на локалната самоуправа населени со национални малцинства.

Поставувањето прифатни центри за мигранти во општина со автохтоно македонско население претставува демографска интервенција со долгорочни последици, која сериозно го загрозува опстанокот, идентитетот и одржливоста на оваа заедница, а истовремено ќе има негативно влијание врз развојот на туризмот во областа Преспа.

Македонско друштво “Илинден”-Тирана
Претседател Никола Ѓурѓај

Годишен извештај на Македонско друштво “Илинден”-Tирана за 2025 година

Македонското друштво “Илинден“-Тирана е формирано на 6 февруари 2009 година во Тирана со цел заштита и унапредување на правата на Македонците во Република Албанија. Од 16 мај 2015 година, друштвото е членка на Федералната унија на европските националности (ФУЕН) и активно учествува во Работната група на словенските малцинства (АГСМ).

Во текот на 2025 година, Македонското друштво “Илинден“-Тирана реализираше значаен број активности од културен, верски, политички и општествен карактер.

Македонското друштво “Илинден“-Тирана ја зацврсти својата позиција како водечки претставник и глас на Македонците во Република Албанија со својата етаблираност на државно и европско ниво, придонесе кон зголемена видливост на македонското прашање во јавниот и медиумскиот простор и активно работеше на зачувување на македонскиот јазик, култура и идентитет

И покрај бројните предизвици и ограничени финансиски средства, Македонско друштво “Илинден“-Тирана, ја продолжи работа на национално, регионално и европско ниво, ја зајакнавме соработката и донесовме важни одлуки за иднината на Македонците во Република Албанија.

Преку континуирани активности и јасна програмска определба, друштвото ја зацврсти својата улога како релевантен и препознатлив претставник на Македонците во Република Албанија.

Македонско друштво “Илинден“-Тирана и во 2026 година, останува целосно посветено на својата мисија и со јасна визија продолжува со својата работа ќе продолжиме со реализирање на своите стратешки цели, дејствувајќи како силен и одговорен глас на Македонците во Република Албанија.

Реализирани средби во 2025 година

9 мај 2025 – Претседателот на македонското друштво “Илинден“-Тирана, Никола Ѓурѓај освари средба со Горан Ангелов, директор на Агенцијата за иселеништво на Република Македонијa.

10 мај 2025 – Претседателот на македонското друштво “Илинден“-Тирана, Никола Ѓурѓај на работна средба со Димитар Манчев шеф на кабинает на Заменик претседател на Владата и министер за транспорт на Република Македонија.

10 мај 2025 – Претседателот на македонското друштво “Илинден“-Тирана, Никола Ѓурѓај освари средба со Стефан Волкановски, Државен Секретар во министерство за транспорт на Република Македонија.

10 мај 2025 – Претседателот на македонското друштво “Илинден“-Тирана, Никола Ѓурѓај на работна средба со Боро Мирчески, началник за дијаспора при Министерството за надворешни работи и надворешна трговија на Република Македонија.

17 јуни 2025 – Потпретседателот на македонското друштво “Илинден“ Тирана, Незир Меча на средба со Гордана Сиљановска Давкова, Претседателка на Република Македонија.

4 август 2025 – Претседателот на македонското друштво “Илинден“-Тирана, Никола Ѓурѓај освари средба со в.д. амбасадор Љуфтим Спахиу во Македонската амбасада во Тирана.

5 август 2025 – Претседателот на македонското друштво “Илинден“-Тирана, Никола Ѓурѓај средба со Емилија Попивода, директорка на Македонскиот културно-информативен центар во Тирана.

9 август 2025 – Претседателот на македонско друштво “Илинден“-Тирана, Никола Ѓурѓај освари средба со Борче Јовчески, градоначалник на општина Прилеп

14 август 2025 – Претседателот на македонско друштво “Илинден“-Тирана, Никола Ѓурѓај во посета на Бигорскиот манастир.

17 септември 2025 – Координаторката на Македонското друштво “Илинден”-Тирана за Округот Елбасан, Сабина Џелили на средба во Македонска амбасада во Тирана со Заменик министерот за надворешни работи и надворешна трговија на Република Македонија, Зоран Димитровски.

31 октомври 2025 – Претседателот на македонското друштво “Илинден“-Тирана, Никола Ѓурѓај работна средба со Јовица Никчевски, директор на НУБ “Св. Климент Охридски“- Скопје.

Меѓународни активности

09 март 2025 – Координаторката на Македонско друштво “Илинден“-Тирана за Округот Елбасан, Сабина Џелили и Проф.д-р Катерина Тодороска, учествуваа на

конференција на Федералната унија на европски националности (ФУЕН) за Западен Балкан, одржена во Скопје, Република Македонија.

23–25 октомври 2025 – Претседателот на македонското друштво “Илинден“-Тирана, Никола Ѓурѓај учестуваше на 69. Конгрес на Федералната унија на европските националности (ФУЕН) во Болзано, Италија.

24 октомври 2025 – Македонско друштво “Илинден“-Тирана на 69. Конгрес на Федералната унија на европските националности (ФУЕН) во Болзано, Италија со сопствен штанд со македонска домашна ракија, ајвар, лепче, потоа пропаганден материјал на кој се претставени македонските носии, убавините на областите каде што живеат Македонците, како и примероци од весникот “Илинден“.

24 октомври 2025 – Претседателот на македонско друштво “Илинден”-Тирана, Никола Ѓурѓај во рамките на ФУЕН конгресот во Болзано во Јужен Тирол, Италија учестуваше на работен состанок на работна група на словенски малцинства (АГСМ) при Федералната унија на европските националности (ФУЕН).

20–23 ноември 2025 – Учество на 28-от семинар на Работната група на словенските малцинства (АГСМ) во Горица, Италија

23 ноември 2025 – Македонското друштво “Илинден“- Тирана, до година ќе биде домаќин на семинарот на работната група на словенските малцинства во Европа при Федералната унија на европските националности (ФУЕН).

Македонски весник “Илинден“

Годината 2025 претставува значаен период за Македонскиот весник „Илинден“, кој бележи зголемена видливост и континуиран интерес од страна на читателската публика. Весникот сè појасно ја зацврстува својата улога како релевантен медиумски глас на Македонците во Република Албанија, во татковината Македонија, како и меѓу македонската дијаспора ширум светот.

4 декември 2025 година – Со особена радост беше отпечатено јубилејното 70-то издание на македонскиот весникот “Илинден“. Овој значаен јубилеј претставува потврда за континуитетот, посветеноста и довербата што весникот ја ужива кај Македонците во Република Албанија.

Доделување на Награда “Илинден“ и Благодарници “Илинден“

Награда “Илинден“

Федералната Унија на Европските Националности (ФУЕН) – Фленсбург, Германија

Благодарници “Илинден“

Г-дин Љуфтим Спахиу – Вршител на должноста македонски амбасадор во Тирана, Република Албанија, Народен правобранител – Тирана, Република Албанија, Г-ѓа Елса Џелили – Kоординатор на Македонското друштво “Илинден”-Тирана за Округот Елбасан од 2021 и 2024 година и активист на Македонското национално малцинство во Република Албанија, Г-дин Бил Николов – Претседател на Македонското меѓународно движење за човекови права (ММДЧП) – Канада, Г-дин Ратко Лазарески – Директор на весникот Нова Македонија, Скопје, Република Македонија.

09 мај 2025 – Претседателот на македонското друштво “Илинден“-Тирана, Никола Ѓурѓај во просторите на весникот “Нова Македонија” лично ја предаде Благодарницата “Илинден” на г-дин Ратко Лазарески, Директор на весникот “Нова Македонија”.

24 јули 2025 – Претседателот на Македонското друштво “Илинден“-Тирана, Никола Ѓурѓај лично ја предаде Благодарницата “Илинден” на истакнатиот македонски активист проф. д-р Кимет Фетаху.

25 октомври 2025 – Претседателот на македонското друштво “Илинден“-Тирана, Никола Ѓурѓај лично ја предаде Благодарницата “Илинден” на Лорант Винце, претседател на Федералната унија на европските националности (ФУЕН).

Предизвици во 2025 година

Македонско друштво “Илинден“-Тирана во 2025 година, се соочи со сериозни финансиски ограничувања.

Комитетот за национални малцинства одби да го одобри поднесениот проект, оваа одлука не ја реализира планираните активности насочени кон зачувување и унапредување на македонскиот национален, културен и јазичен идентитет во Република Албанија.

Недостатокот на институционална поддршка негативно се одрази врз можностите за организирање културни настани, едукативни програми и други иницијативи од значење за Македонците во Република Албанија. И покрај овие предизвици, друштвото продолжи со својата работа, потпирајќи се на ентузијазмот и посветеноста.

Македонско друштво “Илинден”-Тирана

Претседател Никола Ѓурѓај

Честитка од Македонско друштво “Илинден“ за 29 ноември денот на ослободувањето од наци-фашистичката окупација

Честитки по повод 29 ноември денот на ослободувањето од наци-фашистичката окупација на Република Албанија упати македонското друштво “Илинден”-Тирана.

Македонско друштво “Илинден”-Тирана, Ви ги честита 29 ноември 1944 – денот на ослободување од наци-фашистичката окупација. Честито празници.

Македонско друштво “Илинден“-Тирана, го поздравува отворањето на сите поглавја од преговорите за членство на Република Албанија во Европската Унија

Македонско друштво “Илинден“-Тирана, го поздравува отворањето на сите поглавја од преговорите за членство на Република Албанија во Европската Унија. Овој значаен чекор означува нова фаза и ја доближува кон стратешката цел – полноправно членство во ЕУ.

Македонско друштво “Илинден“-Тирана ја охрабрува Владата да продолжи посветено со исполнување на сите потребни реформи, вклучително и оние кои се однесуваат на гарантирањето на правата на македонското малцинство и сите други малцинства во земјата. Спроведувањето на европските стандарди во областа на човековите права и заштитата на националните идентитети е клучно за успешно придвижување во интегративниот процес.

Со членството во Европската Унија, албанските граѓани нема повеќе да бидат принудени да бараат пасоши од земји членки на ЕУ, кои ги користат за влијание и асимилација на малциствата во Република Албанија.

Европската интеграција е поддржана од сите граѓани, без разлика на етничката или верската припадност, и претставува заедничка аспирација за побезбедна, подемократска и поразвиена иднина.

Македонско друштво “Илинден”-Тирана

ФУЕН едногласно усвои резолуција поднесена од Македонско друштво “Илинден”-Тирана

Генералното собрание на Федералната унија на европските националности (ФУЕН), на 69-от Конгрес едногласно усвои Резолуција поднесена од Македонско друштво “Илинден”-Тирана.

ФУЕН ја повикува Република Албанија, Комитетот за малцинства, кој е владин орган, да се трансформира во министерство за национални малцинства. Исто така ја повикува албанската влада да ја ратификува европската карта за регионалните малцински јазици, изјави, Никола Ѓурѓај, претседател на друштвото.

Според него на Конгресот учествуваат претставници на автохтоните национални малцинства, националности и јазични групи од цела Европа.

Конгресот се фокусира на дискусии за актуелните случувања во политиката на малцинствата, средбите со регионот домаќин и неговите модели за заштита на малцинствата, како и идниот развој на ФУЕН, посочи Ѓурѓај.

Конгрес, се одржува во Болзано, Јужен Тирол, Италија, почна вчера се завршува во недела. Македонско друштво “Илинден”-Тирана десет години е рамноправна членка на ФУЕН, редовно учествува на Конгреси на кои поднесува Резолуции за полжбата и правата на македонското малцинство во Албанија.