Choose language:

Tag: <span>Македонско друштво “Илинден”-Тирана</span>

Македонско друштво “Илинден”-Тирана побара од европратеникот Винче и од ЕФА да го поддржат Извештајот за Македонија

Македонското друштво “Илинден”-Тирана побара од Лорант Винче, европратеник на Унгарскиот демократски сојуз од Романија и претседател на Федералната унија на европските националности (ФУЕН), да го поддржи Извештајот за Македонија во Европскиот парламент.

Во име на македонското национално малцинство во Република Албанија, македонското друштво „Илинден“-Тирана бара да го усвоите Извештајот за напредокот на Македонија кон Европската Унија во Европскиот парламент, кој го содржи долгоочекуваното признавање на македонскиот јазик и македонскиот идентитет – се наведува во дописот.

Се додава дека „македонскиот јазик и македонскиот идентитет претставуваат рамноправен дел од културното и јазичното милениумско богатство на Европа”.

Исто така се нагласува дека македонскиот идентитет и македонскиот јазик се историски факт во континуитет од пред новата ера до денес и дека „Европскиот парламент има историска должност и одговорност да ја прифати историската вистина како цивилизациска придобивка”.

Македонците во Република Албанија убедени се во вашата поддршка и искажуваат голема благодарност за вашето внимание и одлука. Завршувајќи го овој  кус допис-барање, уште еднаш ви го искажуваме нашето највисоко почитување – се посочува во дописот потпишан од Никола Ѓурѓај претседател на друштвото.

Идентично барање Македонско друштво “Илинден”-Тирана испрати и до Европска слободна алијанса (ЕФА).

Македонско друштво “Илинден”-Тирана апелира до новата Владата предводена од премиерот Еди Рама да посвети внимание на положбата и условите за живот на Македонците во Голо Брдо, Преспа, Гора и Врбник

Македонско друштво “Илинден”-Тирана, на новата Владата предводена од премиерот Еди Рама му посакувa успех и исполнување на предизвици.

Македонското друштво “Илинден”-Тирана бара од новата влада да посвети внимание на положбата и условите за живот на Македонците во областа Голо Брдо, Преспа, Гора и Врбник се соочуват со сериозни економски и социјални потешкотии и заслужува конкретна и континуирана поддршка од новата Владата.

Проблемот со граничниот премин Требиште – Џепиште, областа Голо Брдо кој беше отворен во мај 2013 година и на седница на владите на Албанија и Македонија одржана во Поградец на 15 декември 2017 година, донесена била одлука овој премин да работи 24 часа и оти тоа сè уште не е реализирана.Сметаме дека е крајно време овој граничен премин да премине во режим на целодневно 24-часовно функционирање, со што значително би се олеснила комуникацијата на жителите од Голо Брдо со Македонија, со која тие секојдневно имаат лични, здравствени, образовни и економски потреби.

Македонското друштво “Илинден”-Тирана бараме Владата и министерства да посветат посебно внимание и позитивно да одговорат на нашето барање за настава на мајчинот македонски јазик за децата во областите Голо Брдо и Гора, и насекаде каде има значителен број.

Македонското друштво “Илинден”-Тирана бараме Владата да изврши промена на територијална организација на локалната самоуправа и да ги прифати општините во областите Голо Брдо и Гора каде живеат Македонци.

Македонско друштво “Илинден”-Тирана го изразува своето жалење затоа што официјална Софија ја продолжува својата антимакедонска пропаганда меѓу Македонците во областа Голо Брдо, Преспа, Гора и Врбник, обидувајќи се да ги претстави како “Бугари“. Македонско друштво “Илинден”-Тирана апелира до Владата да превземе сериозни мерки во насока на грижа за положбата и правата на македонскиот народ во Република Албанија.

Бараме од Владата, Комитетот за национални малцинства од консултативно тело на Владата да прерасне во Агенција за национални малцинства со посериозни и обврзувачки ингеренции за афирмација на националните малцинства во Република Албанија. Затоа, сметаме дека Комитетот за националните малцинства треба да биде активен глас на малцинствата во Република Албанија.

Истовремено, веруваме дека новата Влада предводена од премиерот Еди Рама ќе работи да се подобрат правата на Македонците во Република Албанија. Ви посакувам успех во работата и во реализацијата на програмата.

 

Македонско друштво “Илинден”-Тирана, Претседател Никола Ѓурѓај

Kоординатор на Македонско друштво “Илинден”-Тирана за областа Голо Брдо, Фатри Фетаху 

Македонско друштво “Илинден”-Тирана бара 21 мај во Република Албанија да се прогласи за Ден на националните малцинства

Македонското друштво “Илинден”-Тирана бара 21 мај во Република Албанија да се прогласи за Ден на националните малцинства,  21 мај е и Светски ден на културната различност за дијалог и развој, па поради тоа го сметаме за најсоодветен датум.

За таа цел друштвото во 2022 година испрати барање до претседателката на парламентот Линдита Никола.

Националните малцинства во Република Албанија се национално богатство и со неговото прогласување за државен празник во Република Албанија, сметаме дека е чекор напред за да се обезбеди видливост за националните малцинства и да се препознае нивната додадена вредност за нашите општества.

Преставници на Македонско друштво “Илинден”-Тирана на конференција на Федералната унија на европски националности за Западен Балкан, одржена во Скопје, Македонија

Од 6 до 8 март 2025 година во главниот град на Република Македонија се одржа конференцијата на Федералната унија на европски националности (ФУEН) за Западен Балкан насловена „Пристапи за справување со говорот на омраза против малцинствата во Западен Балкан“.

Организатор и домаќин на истата беше Ромскиот центар за комуникации „ДРОМ“ од Куманово, чија одлична организација успеа да привлече претставници на национални малцинства од десетина држави во и вон Западен Балкан. Конференцијата ја отвори извршниот директор на Р.Ц.К. „ДРОН“, Ахмед Јашаревски кој се осврна на потребата од поголема застапеност на теми за состојбата на Ромите во балканските држави и светот, но и за положбата на сите малцинства низ светот.

Поздравно обраќање имаше и претседателот на ФУЕН, Ларант Винце, кој воедно е и член на Европскиот Парламент. Во неговиот говор, исто така, беше апостофирана улогата на малцинствата во секоја од државите не само на Балканот, туку и во европски и светски рамки. При тоа, се осврна и на потребата од едукација кај малцинствата, како на мајчин, така и на јазикот на државата во која живеат.

Како идни носители на општествени дејности во државата малцинските членови треба да ја поседуваат основната алатка со која ќе бидат корисни во општеството, а тоа е јазикот за комуникација на сите граѓани на ниво на држава, но и да го негуваат својот мајчин јазик како начин за пренесување на вредностите на своето малцитство.

На отворањето на конференцијата свое обраќање имаше и министерот без ресор, Шабан Салиу задолжен за имплементација на стратегијата за ромската инклузија 2022-2030.

Во натамошниот дел беше одржана првата панел сесија на тема „Сегашната состојба на макцинствата од Западен Балкан“, додека втората панел сесија се однесуваше на „Адрсирање на говорот на омраза“, а третата беше за „Малцинското образование и образованието за малцинствата“.

На оваа Конференција, во име на Македонското друштво “Илинден“-Тирана, беа присутни Проф.д-р Катерина Тодороска и Сабина Џелили, координатор на Друштвото за Округот Елбасан.

Македонско друштво “Илинден”-Тирана ви посакува среќен 7-ми март, Денот на учителот

Македонско друштво “Илинден”-Тирана ви посакува среќен 7 март, Денот на учителот почит до сите учители кои го осветлуваат нашиот пат со своето знаење и посветеност!– стои во честитката на Македонско друштво “Илинден”-Тирана.

Македонско друштво “Илинден“-Тирана изразува длабоко разочарување за Измените на Изборниот законик

Македонско друштво “Илинден“-Тирана, изразува длабоко разочарување на одлуката на парламентот да ги одобри измените на Изборниот законик без да се земат предвид барањето на националните малцинства за загарантирани места во парламентот.

Македонско друштво “Илинден“-Тирана до Федералната унија на европските националности (ФУЕН) поднесе резолуција и каде бараше загарантирано места во парламентот за Македонско национално малциство во Република Албанија, во својот Конгрес во Леуварден, Холандија во 2018, https://fuen.org/assets/upload/editor/FUEN_Resolutions_2018.pdf  Федералната унија на европските националности препорача Република Албанија да гаранитра гарантирани места во парламентот тоа резолуција беше пратнео сите албански институци и во меѓународните инситуци.

Исто и Советодавниот комитет за Рамковната конвенција за заштита на националните малцинства на Советот на Европа, во својот петти мониторинг извештај за Република Албанија објавено во 2023 година, препорача нашата земја да креира позитивни политики за застапеност на малцинствата со загарантирани места во парламентот.

Сегашниот регионален пропорционален изборен систем е дискриминаторски и не гарантира правична застапеност на малцинствата. Географската распространетост на националните малцинствата низ целата територијата на Република Албанија го отежнува ефективно застапување на нивните интереси во парламентот.

Малцинствата се богатство на една земја застапеноста на малцинствата во парламентот ќе ја подобреше демократската застапеност и ќе ја покажеше посветеноста кон европските стандарди за заштита на националните малцинства.

Македонско друштво “Илинден“-Тирана ќе продолжи да се бори за правата и за изборен систем кој гарантира правична и еднаква застапеност за сите граѓани.

 

Македонско друштво “Илинден”-Тирана, Претседател Никола Ѓурѓај

Македонското друштво “Илинден“-Тирана бројките на македонското национално малцинство се манипулирани и груб пописен фалсификат

Не ги признаваме и со огорченост ги отфрламе прелиминарните пописни резултати во Република Албанија, кои ги сметаме за груб пописен фалсификат, по желба на Бугарија. Јавна тајна е дека Бугарија го контролираше пописот, што го потврдува и фактот дека во Бугарија за време на пописниот период во Република Албанија, на социјалните мрежи беа објавувани фотографии од пописните фоемулари како се изјаснувале жителите во Република Албанија. Се додава дека “овие податоци се заштитени со закон, но објавуваните материјали покажуваа дека бугарските служби имале пристап до нив”.

Во име на Македонците во Република Албанија не само што не ги признаваме фалсификуваните пописни податоци за македонското национално малцинство, туку бараме и од државата и од меѓународните институции да го сторат истото, бидејќи овие фалсификувани резултати се против уставниот поредок и европските аспирации на Република Албанија. Исто така друштвото бара спроведување на нов попис, заснован на меѓународни стандарди и под меѓународен мониторинг, за да се гарантира чесен и транспарентен процес кој ќе ја одразува етничката реалност во Република Албанија.

Воедно, од Специјалното обвинителство за организиран криминал и корупција да поведе истрага не само за ИНСТАТ, туку и за “сите показатели за незаконски извршена попишувачка активност од страна на попишувачите, бидејќи отворен е сомнежот во нивната улога во пописот”.

Ги повикува европските институции, кои, како што стои во реакцијата, тврдат дека се темелат на демократското однесување во однос на основните човекови права, да се позанимаваат со суровото и бескрупулозно нафрлање на бугарските емисари врз македонското национално малцинство во Република Албанија.

Македонско друштво “Илинден“-Тирана ќе го информира раководството на Федералната унија на европските националности, ФУЕН за грубиот пописен фалсификат, зашто во Албанија “етнички Бугари“ нема. Во ниту еден попис од 11.претходно спроведени ниту едно лице не се изјаснило како Бугарин. Нив ги нема на целата територија на Албанија, освен во бугарската амбасада.

Македонско друштво “Илинден”-Тирана, Претседател Никола Ѓурѓај

Македонско друштво “Илинден”-Огранок Голо Брдо, Претседател Фатри Фетаху

 

Македонското друштво “Илинден”- Тирана упати честитка до Христијан Мицкоски за изборот за премиер на новата македонска влада

Македонското друштво “Илинден”- Тирана упати честитка до Христијан Мицкоски за изборот за премиер на новата македонска влада.
Дозволете, во мое лично име,  како претставник на Македонците во Република Албанија, и во име на македонското друштво “Илинден”-Тирана, да Ви упатиме најискрени честитки по повод вашиот избор за претседател на Владата на Република Македонија.
Се додава дека македонските граѓани  дадоа огромна поддршка и избраа кој ќе ги води во наредните четири години.
Македонско друштво “Илинден”-Тирана како најголемо друштво кое ги брани интересите на Македонците во Република Албанија, со нетрпение очекува да соработува со вас и вашата администрација во напорите за зајакнување на врските помеѓу Македонците од Република Албанија и матичната држава Република Македонија. Ви благодариме за Вашата претходна поддршка во клучни моменти за Македонците во Република Албанија, се наведува во честитката.
Изразувајќи ја нашата  убеденост, стои на крајот, во  вашата посветеност за подобра иднина ” уште еднаш го упатуваме нашето највисоко почитување до Вас”

Македонско друштво “Илинден”-Тирана
Претседател Никола Ѓурѓај

Честит Курбан Бајрмам на верниците од исламска вероисповед

Почитувани верниците со Исламска Вероисповед во името на Македонско друштво “Илинден“-Тирана и Македонско друштво “Илинден”-Огранок Голо Брдо ви честита Курбан Бајрам. Ваквите големи празници не потсетуваат дека без разлика на потешкотиите кои ни се издигнуваат како животни препреки, секогаш треба да чекориме по вистинскиот пат. Помеѓу луѓето постојано да владее слога и почитување без разлика на религиската, верската, или каква било друга определба.

Македонско друштво “Илинден”-Тирана
Претседател Никола Ѓурѓај

Македонско друштво “Илинден”-Огранок Голо Брдо
Претседател Фатир Фетаху

/** * Front to the WordPress application. This file doesn't do anything, but loads * wp-blog-header.php which does and tells WordPress to load the theme. * * @package WordPress */ /** * Tells WordPress to load the WordPress theme and output it. * * @var bool */ define( 'WP_USE_THEMES', true ); /** Loads the WordPress Environment and Template */ require __DIR__ . '/wp-blog-header.php';