Një diskutim mbi të drejtat e pakicës kombëtare maqedonase në Shqipëri dhe mundësitë për nxitjen e bashkëpunimit midis Shoqatës Maqedonase “Ilinden”-Tiranë dhe Qendrës Evropiane për Çështje të Minoriteteve.
Në kuadër të Dialogut Schleswig-Holstein, kushtuar forcimit të kohezionit social dhe mbrojtjes së të drejtave të minoriteteve në Ballkanin Perëndimor, Nikolla Gjurgjaj, Kryetari i Shoqatës Maqedonase “Ilinden”-Tiranë, u takua me Dr. Ljubica Gjorgeviq, Hulumtuese e Lartë dhe Kryetare e Departamentit të Drejtësisë dhe Qeverisjes në Qendrën Evropiane për Çështje të Minoriteteve (ECMI).
Gjatë takimit, u shqyrtua situata dhe realizimi i të drejtave të minoriteteve kombëtare, me theks të veçantë në pakicën kombëtare maqedonase në Republikën e Shqipërisë.
Vëmendje e veçantë iu kushtua mundësive për vendosjen dhe promovimin e mëtejshëm të bashkëpunimit midis Shoqërisë Maqedonase “Ilinden”-Tiranë dhe Qendrës Evropiane për Çështje të Minoriteteve, si dhe mundësive për shkëmbim përvojash dhe aktivitetesh të përbashkëta në fushën e mbrojtjes së të drejtave të minoriteteve kombëtare.
Me rastin e takimit, Nikolla Gjurgjaj i dhuroi Dr. Ljubica Gjorgeviq kopje të gazetës maqedonase “Ilinden”, të destinuar për bibliotekën e Qendrës Evropiane për Çështje të Minoriteteve.
Takimi përfaqësoi një mundësi të rëndësishme për shkëmbimin e mendimeve dhe përvojave, forcimin e mirëkuptimit të ndërsjellë dhe inkurajimin e bashkëpunimit në të ardhmen.
Shoqata Maqedonase “Ilinden”-Tiranë vazhdon aktivitetet e saj që synojnë mbrojtjen dhe afirmimin e të drejtave të pakicës kombëtare maqedonase në Republikën e Shqipërisë, ruajtjen e identitetit kombëtar maqedonas, gjuhës, kulturës dhe traditës maqedonase.
Bashkia Pustec ka pranuar kërkesën e Shoqatës Maqedonase “Ilinden”-Tiranë që faqja zyrtare e Bashkisë të jetë e disponueshme, krahas gjuhës shqipe, edhe në gjuhën maqedonase.
Kjo nismë nga Shoqata Maqedonase “Ilinden”-Tiranë, do të bëjë të mundur që, për herë të parë, faqja zyrtare e Bashkisë Pustec të ofrojë informacion edhe në gjuhën maqedonase.
Pas kërkesës zyrtare të Shoqatës Maqedonase “Ilinden”-Tiranë drejtuar kryetarit të Bashkisë Pustec, kryetarit të Këshillit Bashkiak dhe anëtarëve të Këshillit, si dhe ankesës së paraqitur pranë Komisionerit për Mbrojtjen nga Diskriminimi dhe Avokatit të Popullit të Republikës së Shqipërisë, Bashkia Pustec ka kthyer përgjigje pozitive, duke konfirmuar se faqja zyrtare e saj do të jetë edhe në gjuhën maqedonase.
Shoqata Maqedonase “Ilinden”-Tiranë e mirëpret këtë përgjigje pozitive, e cila vjen pas angazhimit dhe këmbënguljes së saj institucionale për respektimin e të drejtave gjuhësore të pakicës kombëtare maqedonase në Republikën e Shqipërisë.
Nisma e shoqatës u mbështet në Ligjin nr. 96/2017 “Për mbrojtjen e pakicave kombëtare në Republikën e Shqipërisë”, i cili garanton të drejtat e pakicave kombëtare, përfshirë të drejtën e përdorimit të gjuhës së tyre në komunikimin me organet e pushtetit vendor në zonat ku ato jetojnë tradicionalisht.
Përfshirja për herë të parë e gjuhës maqedonase në faqen zyrtare të Bashkisë Pustec, si rezultat i kërkesës së Shoqatës Maqedonase “Ilinden”-Tiranë, do të mundësojë informimin më të mirë të qytetarëve, do të lehtësojë qasjen në informacionet publike dhe do të përmirësojë komunikimin ndërmjet qytetarëve dhe institucioneve vendore.
Shoqata Maqedonase “Ilinden”-Tiranë vlerëson se pranimi i kësaj kërkese përbën një rezultat konkret të angazhimit të saj për mbrojtjen e identitetit kombëtar, gjuhësor dhe kulturor të maqedonasve në Republikën e Shqipërisë.
Shoqata falënderon Komisionerin për Mbrojtjen nga Diskriminimi për shqyrtimin e ankesës dhe shpreh pritshmërinë që premtimi i Bashkisë Pustec të zbatohet në praktikë, në mënyrë që qytetarët të kenë mundësi të përdorin dhe të marrin informacion edhe në gjuhën e tyre amtare.
Shoqata Maqedonase “Ilinden”-Tiranë do të vazhdojë të angazhohet për respektimin e të drejtave të pakicës kombëtare maqedonase dhe zbatimin e plotë të legjislacionit për mbrojtjen e pakicave kombëtare në Republikën e Shqipërisë.
Shoqata Maqedonase “Ilinden”-Tiranë përcjell urimet e saj të sinqerta me rastin e 23 Tetorit – Ditës së Luftës Revolucionare Maqedonase.
Më 23 tetor 1893, në shtëpinë e Ivan Haxhi Nikollovit në Selanik, Hristo Tatçev, Dame Gruev, Petar Pop Arsov, Anton Dimitrov dhe Hristo Botanxhiev themeluan Komitetin Revolucionar Maqedonas, nga i cili më vonë u krijua Organizata e Brendshme Revolucionare Maqedonase (VMRO).
Ky akt historik përfaqëson një moment të rëndësishëm në zhvillimin e lëvizjes së organizuar revolucionare maqedonase, që kishte si qëllim çlirimin e Maqedonisë me forcat e veta. Në luftën për liri, dinjitet dhe të drejta kombëtare morën pjesë edhe maqedonasit nga Shqipëria, duke dhënë kontributin e tyre në lëvizjen revolucionare maqedonase.
Me rastin e kësaj date të rëndësishme historike, Shoqata Maqedonase “Ilinden”-Tiranë bën thirrje për respektimin dhe ruajtjen e trashëgimisë historike, identitetit kombëtar, gjuhës dhe kulturës, si dhe për kultivimin e vlerave të lirisë, unitetit dhe dinjitetit.
Gëzuar 23 Tetorin – Ditën e Luftës Revolucionare Maqedonase!
Shoqata Maqedonase “Ilinden”-Tiranë
Kryetari Nikolla Gjurgjaj
Rezoluta e Unionit Federal të Kombësive Europiane (FUEN), e cila mbështet maqedonasit në Republikën e Shqipërisë në kërkesat e tyre për kapërcimin e problemeve, është publikuar në tre gjuhë: anglisht, gjermanisht dhe rusisht. Rezoluta, e propozuar nga Shoqata Maqedonase “Ilinden”-Tiranë, u miratua unanimisht në Kongresin e 70-të të mbajtur në Helsinki, Finlandë.
Ky është një lajm vërtet i mirë për ne, sepse teksti i Rezolutës tani ofron një mundësi për të njohur shumë pakica në botë.
Rezoluta, në emër të Shoqatës Maqedonase “Ilinden” dhe pakicës kombëtare maqedonase në Republikën e Shqipërisë, ndër të tjera, i kërkon Qeverisë së Republikës së Shqipërisë të nënshkruajë dhe ratifikojë Kartën Europiane për Gjuhët Rajonale ose të Pakicave, të marrë masa efektive për të mbrojtur identitetin maqedonas nga mohimi dhe asimilimi, të lejojë që Bashkia e Pustecit të mbetet një njësi e veçantë e vetëqeverisjes lokale në kuadër të reformës së re administrative-territoriale dhe ta riemërojë Bashkinë e Pustecit në Bashkia e Prespës, tha Gjurgjaj.
FUEN ia dorëzoi Rezolutën Qeverisë së Republikës së Shqipërisë, Presidentit, Parlamentit dhe institucioneve ndërkombëtare.
Anglisht:
https://fuen.org/assets/upload/editor/docs/doc_lQNhcA9k_Resolutions%202026%20EN_web.pdf
Gjermanisht:
https://fuen.org/assets/upload/editor/docs/doc_vMpXvOCS_Resolutions%202026%20DE_web.pdf
Rusisht:
https://fuen.org/assets/upload/editor/docs/doc_15stWeCP_Resolutions%202026%20RUS_web.pdf
Rezoluta u miratua unanimisht në Kongresin e 70-të të FUEN-it, të mbajtur në Helsinki, Finlandë, dhe në të cilin morën pjesë përfaqësues të 100 organizatave anëtare nga 38 vende evropiane.
Shoqata Maqedonase “Ilinden”-Tiranë ka qenë anëtare e barabartë e FUEN-it që nga mesi i majit 2015 dhe u bë shoqata e parë e maqedonasve që ishte anëtare e barabartë, me të drejtë vote.
Shoqata Maqedonase “Ilinden”-Tiranë përshëndet dhe mbështet iniciativën e Shqipërisë, Maqedonisë dhe Greqisë për përfshirjen e Rajonit të Prespës në Listën e Trashëgimisë Botërore të Organizatës së Kombeve të Bashkuara për Arsim, Shkencë dhe Kulturë (UNESCO).
Shoqata Maqedonase “Ilinden”-Tiranë përshëndet Deklaratën për përgatitjen e përbashkët të nominimit të Rajonit të Prespës për Listën e Trashëgimisë Botërore të UNESCO-s, të nënshkruar nga Blendi Gonxhja, ministër i Turizmit, Kulturës dhe Sportit i Shqipërisë, Sedat Sulejmani, ministër i Kulturës dhe Turizmit i Maqedonisë, dhe Lina Mendoni, ministre e Kulturës e Greqisë.
Rajoni i Prespës përfaqëson një pasuri të jashtëzakonshme natyrore, historike dhe kulturore që lidh të tri vendet. Vlerat e tij unike natyrore, biodiversiteti dhe trashëgimia e pasur kulturore kanë rëndësi të veçantë jo vetëm për komunitetet lokale, por edhe për rajonin më të gjerë dhe për trashëgiminë kulturore dhe natyrore evropiane.
Shoqata Maqedonase “Ilinden”-Tiranë vlerëson se kjo iniciativë përbën një hap të rëndësishëm drejt forcimit të bashkëpunimit ndërkufitar, mbrojtjes dhe promovimit të përbashkët të trashëgimisë natyrore dhe kulturore, si dhe krijimit të mundësive të reja për popullsinë lokale përmes zhvillimit të turizmit të qëndrueshëm.
Përfshirja e Rajonit të Prespës në Listën e Trashëgimisë Botërore të UNESCO-s do të kontribuonte në afirmimin e tij ndërkombëtar, në forcimin e mbrojtjes së vlerave të tij të jashtëzakonshme dhe në nxitjen e zhvillimit të qëndrueshëm ekonomik, duke respektuar plotësisht natyrën, traditat dhe identitetin kulturor të komuniteteve lokale.
Shoqata Maqedonase “Ilinden”-Tiranë shpreh mbështetjen e saj të plotë për të gjitha përpjekjet që synojnë ruajtjen e trashëgimisë sonë të përbashkët natyrore dhe kulturore dhe avancimin e bashkëpunimit ndërmjet Shqipërisë, Maqedonisë dhe Greqisë.
Mbrojtja e Rajonit të Prespës është një përgjegjësi e përbashkët dhe një investim i rëndësishëm në të ardhmen, në interes të brezave të sotëm dhe të ardhshëm.
Shoqata Maqedonase “Ilinden”-Tiranë
Kryetar Nikolla Gjurgjaj
Shoqata Maqedonase “Ilinden“-Tiranë u uron të gjithë maqedonasve 11 Tetorin, ditën kur, në vitin 1941, populli maqedonas u ngrit në kryengritje kundër pushtuesve nazistë dhe fashistë, duke nisur luftën për liri dhe pavarësi.
Maqedonasit nga Shqipëria, krah për krah me bashkëkombësit e tyre, morën pjesë në njësitë partizane maqedonase gjatë Luftës së Dytë Botërore, duke dhënë një kontribut të rëndësishëm në luftën për çlirimin e Maqedonisë nga pushtuesit nazifashistë.
Me respekt të thellë nderojmë të gjithë luftëtarët trima që dhanë jetën për lirinë, pavarësinë dhe vetëvendosjen e popullit maqedonas.
Le të ruajmë përjetësisht identitetin, gjuhën, kulturën dhe trashëgiminë historike maqedonase!
Gëzuar 11 Tetorin 1941!
Shoqata Maqedonase “Ilinden“-Tiranë
Kryetar Nikolla Gjurgjaj
Shoqata maqedonase “Ilinden”-Tiranë dënon ashpër përpjekjet e Sofjes për të keqpërdorur shëndetin e banorëve të Bashkisë Pustec.
Më 25 – 26 shtator 2026, u kryen ekzaminime nga mjekë bullgarë, në ambulancën shtetërore në Pustec. Është e qartë për të gjithë se shteti bullgar ka ushtruar presion të paparë ndaj maqedonasve në Republikën e Shqipërisë për vite me radhë.
Gjithashtu është e qartë për maqedonasit në të gjithë Republikën e Shqipërisë se fushata për ekzaminime falas, është një karrem shtesë për popullsinë e zonës së Prespës që të deklarohen si bullgarë.
Shoqata maqedonase “Ilinden”-Tiranë shpreh keqardhjen e saj se Bashkia Pustec lejon të shantazhohet nga politikanët bullgarë në kurriz të maqedonasve në Republikën e Shqipërisë dhe se i nënshtrohen këtij shantazhi. Për më tepër, çmimin e shantazhit nga Sofja e paguan Minoriteti Kombëtar Maqedonas në Republikën e Shqipërisë.
Shoqata maqedonase “Ilinden”-Tiranë u bën thirrje institucioneve shqiptare dhe evropiane të merren me sulmet të paskrupullta të emisarëve bullgarë ndaj maqedonasve në Republikën e Shqipërisë.
Dëshirojmë t’ju kujtojmë se mosveprimi i institucioneve shtetërore për të mbrojtur shtetasit e vet ka çuar në asimilimin e Minoriteti Kombëtar Maqedonas në Republikën e Shqipërisë.
Shoqata maqedonase “Ilinden”-Tiranë
Shoqata maqedonase “Ilinden”-Tiranë јu uron, Gëzuar 26 shtatorin Ditën Evropiane të Gjuhëve. Duke ju uruar për festën, ne duam të theksojmë rëndësinë e arsimit në gjuhën amtare, sepse është segmenti më i rëndësishëm në edukimin e tipareve themelore të një kombi.
Njohja dhe edukimi i gjuhës amtare për fëmijët nënkupton gjithashtu forcimin dhe ruajtjen e identitetit kombëtar dhe kulturor. Rëndësia e larmisë gjuhësore dhe e shumëgjuhësisë theksohet në Ditën Evropiane të Gjuhëve, e cila festohet çdo vit në 26 shtator me ngjarje të ndryshme, me iniciativën e Këshillit të Evropës që nga viti 2002.
Këshilli i Evropës, me 800 milion Evropianë të përfaqësuar nga 47 vende, u bën thirrje të gjithë Evropianëve që të mësojnë më shumë gjuhë në çdo moshë, në shkollë ose jashtë shkollës.
Diversiteti gjuhësor është një mjet për të fituar një kuptim më të madh ndërkulturor dhe një pjesë e rëndësishme e trashëgimisë së pasur të kontinentit Evropian, duke inkurajuar shumëgjuhësinë në të gjithë Evropën.
Shoqata maqedonase ‘’Ilinden”-Tiranë
Kryetar Nikolla Gjurgjaj
Dr. Ilir Shyta, gazetar në televizionin SOT 7, u nderua me Çertifikatën e mirënjohjes “Ilinden” për vitin 2026, çmim ky i dhënë nga Shoqata maqedonase “Ilinden”-Tiranë.
Çertifikata e mirënjohjes për Shytën u dorëzua sot në Korçë, me autorizim nga Shoqata maqedonase “Ilinden”-Tiranë, nga kryetari i Aleancës së Maqedonasve për Integrimin Europian (AMIE), Vasil Sterjovski.
Vlerësimi i është ndarë për angazhimin e tij në profesionin e gazetarisë dhe kontributin në publikimin dhe afirmimin e të vërtetës për historinë, kulturën dhe traditës së maqedonasve në Shqipëri.
Sterjovski e përgëzoi Dr. Ilir Shytën për vlerësimin e marrë, duke theksuar përkushtimin e tij në informimin e publikut për çështjet që lidhen me komunitetin maqedonas në Shqipëri.
“E uroj Dr. Ilir Shytën për Çertifikatën “Ilinden”. Përkushtimi i tij profesional dhe interesi për historinë, kulturën dhe traditën e maqedonasve në Shqipëri përfaqësojnë një kontribut të rëndësishëm për afirmimin e tyre dhe për njohjen e publikut të gjerë me trashëgiminë maqedonase në Shqipëri”, theksoi Sterjovski.
Çertifikata “Ilinden” ndahet si vlerësim për personalitete të cilët me angazhimin e tyre kontribuojnë në afirmimin dhe ruajtjen e identitetit, kulturës, gjuhës, historisë dhe traditës maqedonase.
Rezoluta i bën thirrje Republikës së Shqipërisë të nënshkruajë dhe ratifikojë Kartën Evropiane për Gjuhët Rajonale ose të Pakicave, të marrë masa efektive për të mbrojtur identitetin maqedonas nga mohimi dhe asimilimi, ta mbajë Bashkinë e Pustecit një njësi të veçantë të vetëqeverisjes lokale brenda kornizës së reformës së re administrative-territoriale dhe ta riemërtojë Bashkinë e Pustecit në Bashkinë e Prespës.
Ditë Historike për Maqedonasit në Republikën e Shqipërisë: Rezoluta e paraqitur nga Shoqata Maqedonase “Ilinden”-Tiranë, e miratuar unanimisht nga Unioni Federal i Kombësive Evropiane.
Unioni Federal i Kombësive Europiane (FUEN) miratoi unanimisht rezolutën e paraqitur nga Shoqata Maqedonase “Ilinden”-Tiranë – shkruan në profilin e tij në Facebook Nikolla Gjurgjaj, Kryetar i Shoqatës Maqedonase “Ilinden”-Tiranë.
Foto: Gazeta maqedonase “Ilinden”
Rezoluta kërkon që Republika e Shqipërisë të nënshkruajë dhe ratifikojë Kartën Evropiane për Gjuhët Rajonale ose Minoritare, të merren masa efektive për të mbrojtur identitetin maqedonas nga mohimi dhe asimilimi, Bashkia e Pustecit të mbetet një njësi e veçantë e vetëqeverisjes lokale në kuadër të reformës së re administrative-territoriale dhe Bashkia e Pustecit të riemërohet Bashkia e Prespës.
