Македонски (Macedonian)Albanian-ALEnglish (United Kingdom)
Дома

15894413 10210265541826869 1337301706468601472 n

logo-fakturi

niprom

Macedonians rights in Albania

Macedonians in Albania
 
Првиот Министер за внатрешни работи на Албанија има заслуга за македонскиот јазик во Албанија PDF Печати Е-пошта
Четврток, 01 Декември 2016 11:27

Основно образование завршил во родното место Негован, Леринско, Егејска Македонија гимназија завршил во Солун. За едно со неговото семејство се преселил во Корча во 1930 година. Таму влегол во редовите на комунистичката партија и бил еден од нејзините најактивни членови на подрачјето на Корча. Тој од 1937 година бил познат како почитуван лидер а со оглед на неговото македонско потекло бил поддржуван и од Југословените. За време на Втората светска војна бил еден од раководителите на комунистичкото движење во Албанија, додека во мај 1944 година бил избран за заменик-претседател на Високиот совет на Албанија и унапреден во генерал-поручник. Веднаш после ослободувањето застанал на чело на Министерството за внатрешни работи како и еден од основачите на албанската тајна служба. Исто така бил член на Политбирото и пратеник во собранието. Тој е човекот кој бил најтесно поврзан со комунистичките лидери на Југославија и близок политички соработник на Енвер Хоџа. Сето тоа се променило по прекинувањето на дипломатските односи меѓу Југославија и СССР со донесената Резолуција на Информбирото во јуни 1948 година. Тоагш биле нарушени и односите меѓу Албанија и Југославија, поради што Ѕоѕе бил тргнат од фукцијата началник на МРВ. Наскоро по посетата на Москва од Енвер Хоџа ( 28 ноември 1948 година) Кочо Ѕоѕе бил уапсен и суден на таен процес на 11 мај 1949 година.

koci-dzodze
Коци Ѕоѕе

Процесот се водел за неговата група соработници Темелко Кристо, Панди Кристо, Нести Керенџи. При тоа, Ѕоѕе бил суден од воен судкој му изрекол смртна казна, по што на 11 јуни 1949 бил обесен. Тие се товареле како соработници на групата на троцкистите на Тито кои преговарале за тоа Албанија да стане република во југословенската федерација и др. Некои од нив како Кочи Ѕоѕе, Панди Кристо и други беа осудени на смрт без да се дознае вистината дали работеле за добро или за лошо на Албанија. До ден денес не се знае каде е неговиот гроб. Советскиот новинар Аркадиј Пјервенцев кој го следел процесот против него го опишал така Кочи Ѕоѕе, тој е мал маж кој спојува ѕверство и малодушност на чакал. Се смета дека заслуга на видните партиски функционери на некогашната Комунистичка партија, Коци Ѕоѕе, Панди Кристо и др кои биле по потекло Македонци, е зачувување правото на образование на мајчин македонски јазик за македонското национално малцинство во Мала Преспа и оставање на работа на македонски учители од Македонија да ги учат Македонците во Албанија како и оставањето на работа на Никола Беровски по истерувањето на македонските учители во 1948 година“.

koco-dzodze
Коци Ѕоѕе во судски процес во Тирана

 

Никола Ѓурѓај

 
Билатералната соработка меѓу Агенциите за цивилно воздухопловства на Република Македонија и Албанија PDF Печати Е-пошта
Вторник, 29 Ноември 2016 12:39

Висока делагација предводена од директорот на Агенцијата за цивилно воздухопловство на Република Македонија Горан Јандреоски на 22.11.2016 година во Тирана оствари средба со колегите од Агенцијата за цивилно воздухопловство на Албанија под раководство на директорот Фламур Челај. На средбата на која присуствуваа над 50 раководители на сектори,инспектори, вајцата директори ја нагласија потребата од зајакнување на соработката на двете институции на билатерална и регионална основа за проекти и прашања кои значат подигнување на капацитетите и функционалноста на Агенциите чија основна цел е обезбедување,брзо,ефикасно,сигурно и економски просперитетно цивилно воздухопловство во функција на домашната и меѓународна воздухопловна индустрија но и во интерес на патувачката јавност. На состанокот директорот на албанската АЦВ,Челај,од Јандреоски како прв човек на македонското цивилно воздухопловство побара поддршка за реализација на идејата за отворање на регионална канцеларија на ЕАЅА во Тирана која според него би била од витален интерес за инспекторискиот и техничкиот персонал не само за албанските воздухопловни авторитети туку и за кадрите и капацитетите на земјите од регионот. Отворањето на регионална канцеларија на Европска агенција за воздухопловна безбедност во Тирана според Челај, значително ќе влијае и на зајакнување на соработката меѓу земјите од регионот не само со ЕАЅА туку и со останатите меѓународни организации надлежни за регулација на цивилните воздухопловства во Европа и светот. Средбата меѓу Јандреоски и Челај преставува само континуитет на регионалната соработка на земјите од Западен балкан во делот на развојот и регулацијата на цивилниот воздушен сообраќај.

 

 

www.ilinden-tirana.com

 
Никола Ѓурѓај: Законот за малцинствата е еден од условите за влез на Албанија во ЕУ PDF Печати Е-пошта
Вторник, 22 Ноември 2016 11:25

Расте притисокот на меѓународниот фактор врз Тирана за усвојување на Законот за малцинствата во кој гледаме дефинитвно решавање и на проблемите на Македонците во Албанија. Усвојувањето на овој закон е еден од петте услови што Брисел и го постави на Албанија за нејзина интеграција во Европската Унија“ изјави за Макфакс лидерот на Македонското друштво "Илинден" со седиште во Тирана Никола Ѓурѓај кој воедно е и главен уредник на весникот "Илинден“.

Ѓурѓај во интервју за Макфакс подвлекува дека расте оптимизмот кај Македонците и другите малцинства во Албанија дека многу скоро Собранието на Албанија ќе го усвои законот со кој се очекува во земјата да се почитуваат сите конфенции со кои се определуваат правата на малцинствата во една земја .
„Во Албанија пред извесно време се организираше една конференција за малцинствата, во организација на Комитетот за малцинства со присуство и на претставници на ЕУ но и Американскиот амбасадор“, вели Никола Ѓурѓај, додавајќи дека на конференцијата сите претставници на малцинствата побарале итно донесување на законот за малцинства.

„Ветено е дека тоа официјална Тирана ке го стори и тоа многу брзо. Усвојувањето на законот е еден од петте услови што ги има поставено ЕУ на Албанија за нејзино интегрирање“, истакнува Ѓурѓај, кој очекува овој закон да ги надмине проблемите и на Македонското малцинство кое живее во повеќе делови на Албанија.

Лидерот на Македонско друштво "Илинден“ - Тирана како главни проболеми кои треба да се решат во Албанија ги потенцира образованието за сите Македонци каде тие живеат, потоа програми на државната радио телевизија на македонски јазик како и добивање на сите други права кои се предвидени со конфенцијата за правата на малцинствата . Запрашан во врска со значењето на весникот "Илинден“ во Тирана тој вели дека сега весникот излагува и се доставува до сите населени места и градови каде има Македонци.

„Имавме многу проблеми околу печатењето на весникот но сега тоа е минато. Весникот информира за сите активности на Македонците во Албанија и за активностите на здружението и се онаа што е во центарот на вниманието во Македонија и Албанија . Тој весник ја постигнува целта, а тоа е информирање на Македонците во Албанија на нивниот јазик и кирилично писмо. Тој е мошне центет и баран весник од страна на македонците во Преспа, Голо Брдо, Гора, Врник, Тирана, Елбасан , Драч, Билишта и други места во Албанија“, вели Ѓурѓај.

Кога станува збор за активноста на Макеонско друштвото "Илинден“ подвлекува дека тоа ги организира Македонците, но исто така и организира и промоции на објавени кнги од страна на Македонците во Албанија за нивните традиции, живот публикации на македонците во други сфери. Никола Ѓурѓај кој е и добар аналитичар на состојбите во Албанија, нагласува дека Македонците во оваа држава со особен интерс ги следат и случувањата во Македонија . "Ние како Македонци во Албанија, посакуваме во Македонија да има добри избори бидејки посакуваме Македонија да биде просперитетна. Ние се радуваме кога Македонија напредува“ истакна Ѓурѓај за Макфакс.

www.makfax.com.mk

 
Благодарност до Македонската Православна Црква - Охридска Архиепископија PDF Печати Е-пошта
Недела, 20 Ноември 2016 22:29

Македонско друштво “Илинден“-Тирана како и неколку години наназад добива бесплатни верски календари од Македонската Православна Црква-Охридска Архиепископија. Верските календари се даруваат на Македонци во Репблика Албанија, имајќи предвид дека бројот на заинтересирани лица за овие календари секоја година е се поголем Македонско друштво “Илинден”-Тирана информира дека верските календари од Македонската Православна Црква-Охридска Архиепископија се веке достапни и само треба да се оствари контакт со Друштвото. Воедно Македонското друштво “Илинден”-Тирана од свое име и име на сите корисници на верскирте календари искрено се заблагодарува на Македонската Православна Црква Охридска Архиепископија за покажаната добра волја да им подари на Македонците од Албанија дел од своите верски календари.



www.ilinden-tirana.com

 
Претседателот на Македонско друштво ”Илинден”-Тирана оствари средба со игуменот на Бигорски манастир PDF Печати Е-пошта
Вторник, 15 Ноември 2016 23:22

Претседателот на Македонско друштво ”Илинден”-Тирана, г-дин Никола Ѓурѓај на 13.11.2016 година во Бигорскиот манастир Св.Јован Крстител - Деабр, Република Македонија оствари средба со игуменот на Бигорскиот манастир Св.Јован Крстител архимандрит Партениј. На средбата претседателот на Македонско друштво ”Илинден”- Тирана, го информира игуменот на Бигорскиот манастир Св.Јован Крстител архимандрит Партениј за активностите на друштвото и му подари книги и весник ”Илинден”. На средбата се нагласи потребата за повеќе соработка игуменот на Бигорскиот манастир Св.Јован Крстител архимандрит Партениј му подари икона Св.Никола на Претседателот на Македонско друштво ”Илинден”-Тирана, г-дин Никола Ѓурѓај. На средбата се нагласи потребата за повеќе соработка меѓу Македонско друштво ”Илинден”-Тирана и Бигорскиот манастир Св.Јован Крстител.


 

 

www.ilinden-tirana.com

 
<< Почеток < Пред 11 12 13 14 15 16 17 18 19 20 Следно > Крај >>

Страница 11 од 62