Македонски (Macedonian)Albanian-ALEnglish (United Kingdom)
Дома

15894413 10210265541826869 1337301706468601472 n

logo-fakturi

Macedonians rights in Albania

Macedonians in Albania
 
Македонско друштво “Илинден”-Тирана дел од платформата за “Промоција на граѓанското општество” PDF Печати Е-пошта
Понеделник, 04 Март 2019 21:27

Македонско друштво “Илинден”-Тирана стана дел од платформата за “Промоција на граѓанското општество” во Албанија. Платформата е отворена за комуникациска и интеракција на  организациите на граѓанското општество иницирана од Агенцијата за поддршка на граѓанското општество, која ќе служи за промовирање на проекти и активности на граѓанското општество, како и размена на идеи преку форуми. Агенцијата за поддршка на граѓанското општество е централно јавно тело а оперативниот буџет за исполнување на мисијата и своите цели во согласност со применливиот закон. Статутот на Агенцијата  е одобрен од страна на Владата на Република Албанија. Мисијата на Агенцијата за поддршка на граѓанското општество е да се охрабрат сите организации, преку финансиска помош, одржлив развој на граѓанското општество и создавање на поволни услови за граѓански иницијативи и јавниот интерес. Линк: www.amshc.gov.al/promo/?p=887

 
Македонско друштво “Илинден”-Тирана дел од платформата за “Промоција на граѓанското општество” PDF Печати Е-пошта
Вторник, 19 Февруари 2019 18:11

Македонско друштво “Илинден”-Тирана стана дел од платформата за “Промоција на граѓанското општество” во Албанија. Платформата е отворена за комуникациска и интеракција на  организациите на граѓанското општество иницирана од Агенцијата за поддршка на граѓанското општество, која ќе служи за промовирање на проекти и активности на граѓанското општество, како и размена на идеи преку форуми. Агенцијата за поддршка на граѓанското општество е централно јавно тело, а оперативниот буџет за исполнување на мисијата и своите цели во согласност со применливиот закон. Статутот на Агенцијата е одобрен од страна на Владата на Република Албанија. Мисијата на Агенцијата за поддршка на граѓанското општество е да се охрабрат сите организации, преку финансиска помош, одржлив развој на граѓанското општество и создавање на поволни услови за граѓански иницијативи и јавниот интерес. Линк: http://www.amshc.gov.al/promo/?p=887

 
Македонско друштво “Илинден“-Тирана изразува сочуство до семејствата на 15 загинати патници PDF Печати Е-пошта
Вторник, 19 Февруари 2019 18:06

Македонско друштво “Илинден“-Тирана изразува сочуство до семејствата на 15 загинати патници во тешката сообраќајна несреќа што се случи на патот Скопје-Тетово кај Карпалак, од кои седум на лице место, а шест подлегнале на повредите во болница. Македонско друштво “Илинден“-Тирана посакува брзо заздравување на повредените.

 
Mакедонско друштво “Илинден“-Тирана додели Благодарница “Илинден” и Награда “Илинден” PDF Печати Е-пошта
Четврток, 14 Февруари 2019 21:52

Претседателот на Mакедонско друштво “Илинден“-Тирана г-дин Никола Ѓурѓај, по повод десетгодишнината од основањето и плодната работа на друштвото, донесе одлука да додели Благодарници “Илинден” и Награда “Илинден”. Благодарницата и наградата се дава на лица за нивните особени заслуги за  ангажман и перманентните активноси во насока на зачувување и одржување на македонскиот идентитет на припадниците на македонското национално малцинство во Албанија. Предложените лица за добивање на Благодарница “Илинден” и Награда “Илинден” покажале особен придонес за животот, историјата, културата и зачувување на автентичната македонска традиција. Благодарницата и наградата “Илинден” се симболи на признание што се доделуваат за работи и дела што заслужуваат признание, ги доделува и врачува лично претседателот на Mакедонско друштво “Илинден“-Тирана.

Оваа годинапрв пат се дели Награда “Илинден”му се доделува на:

  1. Д-р Ѓорге Иванов, Претседател на Република Македонија
  2. Г-дин Илир Мета, Претседател на Република Албанија
  3. Г-дин Бил Николов, Претседател на Македонското меѓународно движење за човекови права (ММДЧП) – Канада
  4. Архимандрит г. Партениј, Игумен на Свештената Бигорска Обител, Маврово-Ростуше, Република Македонија

Оваа година Благодарница “Илинден” се доделува на:

  1. Проф.д-р Илинден Спасе – Автор на книги стати за македонското национално малцинство во Република Албанија пишува на македонски јазик и албански јазик
  2. М-Р Естела Ѓурѓај  Карамешиноска – Историчар, секретар на Mакедонско друштво “Илинден“-Тирана и дописник на Македонски весник “Илинден”
  3. Г-дин Васил Стерјовски – Секретар на Македонска Алијанса за Европска Интеграција (МАЕИ), активист на Македонско национално малциство во Албанија и основач на Mакедонско друштво “Илинден“-Тирана
  4. Г-ѓа Савиола Лока – Основач на Mакедонско друштво “Илинден“-Тирана
  5. Ѓ-ѓа Микета Mеча Шкала – Основач на Mакедонско друштво “Илинден“-Тирана
  6. Д-р Ели Луческа – Директорка на Институт за старословенска култура – Прилеп, Република Македонија
  7. Д-р Мери Стојанова – Директорка на Национална Установа „Завод и Музеј“- Битола, Република Мкедонија
  8. Г-ѓа Елени Заркада – Понарешен советник на Македонска Алијанса за Европска Интеграција (МАЕИ) во општина Билишта, активист на Македонско национално малциство во Билишта
  9. Сара Џелили – Автор на поези, активист во Елбасан, член на Mакедонско друштво “Илинден“- Огранок Голо Брдо и дописник на Македонски весник “Илинден”

 
Обраќање на Никола Ѓурѓај, Преседател на Македонско друштво “Илинден“-Тирана PDF Печати Е-пошта
Понеделник, 11 Февруари 2019 11:24

Добровечер,

Ваша екселенцијо Данчо Марковски, амбасадор на Република Македонија во Република Албанија

Почитуван господин Андреј Глушенко, трет секретар во Амбасада на Руска Федерација во Република Албанија

Почитуван господин Борис Марков, трет сектор Амбасада на Руска Федерација во Република Албанија

Почитуван господин Карам Фарај, конзул на Државата Палестина во Република Албанија

Почитуван господин Кастриот Тота, претставник на Агенцијата за поддршка на граѓанското општество

Почитуван господин Маринко Чулафиќ, претседател на Црногорската заедница во Република Албанија

Почитувана д-р Ели Луческа, директорка на Институтот за старословенска култура од Прилеп, Република Македонија

Почитувана д-р Мери Стојанова, директорка на Националната установа “Завод и Музеј“ од Битола, Република Мкедонија

Ценети присутни,

Дами и господа,

Драги пријатели,

Денес одбележуваме значаен јубилеј. Годинава се навршуваат десет години од формирањето на Македонското друштво “Илинден”. Македонско друштво “Илинден” е формирано на 6 февруари 2009 година и регистрирано во Основниот суд во Тирана, со цел заштита и афирмација на македонскиот етнички, јазичен, културен, верски, историски и државен идентитет, на Македонците во Република Албанија.

Македонското друштво “Илинден“, за периодот од десет години оствари многу активности, секоја од нив заслужува внимание.

Ќе издвоиме некои од нив:

(1) На 16 јануари 2010 година во Тирана организиравме донација на книги за дечињата Македонци што го учат Македонскиот јазик

(2) На 10 јули 2010 година учествувавме на Фестивалот “Разиграно оро“ во Охрид, Република Македонија

(3) На 27 март 2011 година во Офицерскиот дом во Тирана организиравме промоција на македонски документарни филмови

(4) Од 28 јули до 05 август 2011 година учествувавме во Шолта, Република  Хрватска, на Летна Школа за Македонски јазик

(5) 2013 година на Фестивалот “Гора Фест“ во организација на Македонската Горанска заедница на Косово учествуваше членот на Друштвото Флоренц Садику со народни песни

(6) Остваривме безброј средби со многу државни институции и општини, а соработката ја проширивме со невладиниот сектор, во земјата и странство.

Како најзначајна активност на Македонското друштво “Илинден“ на меѓународен план ја цениме посетата на 20 февруари 2015 година на потпретседателот на Федералната Унија на Европските Националности (ФУЕН) господин Халит Хабип Оглу и правен застапник господин Франк Дер Боер. На средбата беа присутни претседателот на Македонско друштво ”Илинден”- Тирана г-дин Никола Ѓурѓај, потпретседателот г-дин Незир Меча и претседателот на Македонското друштво ”Илинден”- Огранок Голо Брдо, г-дин Ули Халилај, потпретседателот г-дин Алфред Садику и секретарот г-дин Агрон Фетаху.

Почитувани присутни,

Во изминатите десет години како претседател на Македонско друштво “Илинден”, заедно со моите соработници, имавме можност да оствариме бројни работни и официјални посети, да се сретнеме и да соработуваме со владини институции, како во Албанија, така и во матичната држава Македонија, и секако соработка остваривме и со меѓународни организации. На сите средби што сме ги имале со претставниците на државните институции во Албанија, Македонија и европските институции ја користевме секоја прилика да размениме мислења за важни прашања за унапредување на положбата и правата на македонското национално малцинство во Албанија.

Ја користам оваа свечена прилика да упатам добронамерна критика до Владата на Република Албанија и до надлежните министерства и организации да посветат посебно внимание и позитивно да одговорат на нашето барање за настава на Македонски јазик во областа Голо Брдо и Гора, и насекаде каде има значителен број Македонци, имајќи предвид дека тоа веќе се остварува во областа Мала Преспа. Бараме Владата да изврши промена на штетната територијална организација на локалната самоуправа и да ги прифати општините во областите Голо Брдо и Гора каде живеат Македонци.

Нашите ставови за Законот за националните малцинства во Република Албанија се исти како и пред донесувањето на овој Закон. Неколкупати укажавме, дека Законот треба да ги реши горливите проблеми на националните малцинства, но со новодонесениот Закон се постигна токму спротивен ефект: Донесе дополнителни проблеми, кои се негативни не само за Македонците, туку и за Република Албанија во целина.

Македонско друштвото “Илинден“ останува посветено на борбата за македонско национално малцинство во Албанија, за унапредување на положбата и правата на Македонците врз основниот принцип на меѓународното право на еднаква сувереност: Реципроцитрет во меѓусебните односи меѓу Македонија и Албанија и по прашањето за Македонците во Република Албанија и Албанците во Република Македонија како мостови на братство и пријателство меѓу двата народа и двете држави. Ние не трчаме да победиме, туку да преживееме. Не за нас, туку за идните генерации.

Македонското друштво “Илинден“ денес ја прославува својата десетгодишна работа и постоење, а за неговите постигнувања оставаме повеќе да каже историјата.

Да се вечни Македонците во Република Албанија!

Да живее македонско-албнското пријателство!

Ви благодарам на вниманието.

 
<< Почеток < Пред 1 2 3 4 5 6 7 8 9 10 Следно > Крај >>

Страница 9 од 87