Македонски (Macedonian)Albanian-ALEnglish (United Kingdom)
Дома

15894413 10210265541826869 1337301706468601472 n

logo-fakturi

Macedonians rights in Albania

Macedonians in Albania
 
Македонско друштво “Илинден” учестуваше на работен состанок на групата на словенските малциства PDF Печати Е-пошта
Среда, 24 Јули 2019 16:31

Македонско друштво “Илинден”-Тирана како рамноправна членка на Унијата на европските националности (ФУЕН) и како дел на групата на словенските малцинствата од Европа учестуваше на работен состанок на групата на словенските малциства. Покрај другите, во работа на групата учестуваше и Никола Ѓурѓај претседателот на Македонско друштво “Илинден“-Тирана, претседателот на Македонско друштво “Илинден“-Тирана Никола Ѓурѓај информира за состојбата на Македонците во Република Албанија. Претседателот на Македонско друштво “Илинден“-Тирана, Никола Ѓурѓај за време на работниот состанок оствари средбa со Бернхард Зиец, претседател на работната група, и со Матиц Гермовшек Ж кординатор. Во групата на словенските малциства од Eвропа се 28 организаци, рамноправни членки на ФУЕН. Конгресот го организира Партија на унгарската заедница во Словачка и Карпато-германски здружение во Словачка, организаци членки на ФУЕН, ќе трае до 16 јуни а учествуваат 103 организации членки од 35 земји во Европа. Македонско друштво „Илинден”-Тирна е рамноправен член на ФУЕН  од мај 2015 година.

 
Македонско друштво “Илинден“-Тирана со свој штанд на саемот на ФУЕН во Словачка PDF Печати Е-пошта
Среда, 03 Јули 2019 12:02

Во главниот град на Словачката Република, Братислава почна со работа 64 Конгрес и 70 години од основањето на Федералната унија на европските националности, ФУЕН на кој учествува и македонското друштво “Илинден“-Тирана. Пред официјалниот почеток на Конгресот отворен беше саем на кој претставниците на малцинствата од Европа, на свои штандови претствија дел од традиционлани производи, како и пропаганден материјал. Македонско друштво “Илинден“-Тирана за втор пат има свој штанд, побуди голем интерес. Македонско друштво “Илинден“-Тирана имаме пропаганден материјал на кој се претставени македонскиите носии, убавините на областите каде што живеат Македонците, како и примероци од единствениот весник на македонски јазик “Илинден“ – вели Никола Ѓурѓај, претседател на Македонско друштво “Илинден“-Тирана и учесник на Конгресот, во изјава за Македонски весник “Илинден”. Покрај другото на Конгресот се очекува да биде усвоена Резолуција за правата на македонците во Албанија, предложена од македонско друштво “Илинден“-Тирана кое е единствено друштво што ги претставува Македонците на овој собир. Конгресот го организира Партија на унгарската заедница во Словачка и Карпато-германски здружение во Словачка, организаци, членки на ФУЕН, ќе трае до 16 јуни а учествуваат 103 организации членки од 35 земји во Европа. Македонско друштво „Илинден” рамноправен член на ФУЕН е од средината на мај 2015 година.

 
Македонско друштво “Илинден”-Тирана учестува на 70-годишниот конгрес на ФУЕН PDF Печати Е-пошта
Среда, 03 Јули 2019 11:12

Со отворањето на традиционалниот малцински пазар, 70-годишниот конгрес на ФУЕН во Словачка официјалното се отвори вечерта. Малцинствата од цела Европа ги презентираат своите кулинарски традиции во хотелот Парк Ин Радисон во Братислава. “Горди сме што можеме да кажеме дека со 103 организации членки од 35 земји ние сме најголема европска чадор организација која ги обединува автохтоните малцинства. На отворањето на нашиот 70-годишен јубилеен конгрес се надевам на плодни сесии и разговорите за нашите достигнувања, но исто така и за нашите идни цели и цели “, рече заменик-претседателот на ФУЕН Бернар Зиеш на отворањето на традиционалниот пазар на малцинства. Тој им се заблагодари на домаќините на конгресот, на Унгарската заедница и на Карпатско-германската асоцијација КДВ. Претседателот на КДВ, д-р. Ондреј Пес, ги поздрави гостите и истакна дека здружението на Карпатите од Германија сака да биде активен и сигурен партнер на ФУЕН. Ова е интересот на сите Карпатски Германци. Во поздравниот говор д-р Јозеф Менихарт, Претседателот на МКП ги поздрави сите учесници во име на унгарското малцинство и истакна дека има многу Унгарци кои живеат во Словачка, додека многу луѓе живеат во Братислава заедно – рече претседателот на МКП. Македонско друштво “Илинден”-Тирана учестува на 64 конгрес на Федералната Унија на Европските Националности (ФУЕН) со свој штанд и е единствено Македонско друштво учесник на конгресот.

 
Во Тирана одржан првиот фолклорен фестивал на Македонците во Алабанија PDF Печати Е-пошта
Четврток, 27 Јуни 2019 18:31

Во организација на Македонското друштво „Илинден“-Тирана а со поддршка на Министерството за култура на Албанија, во Куклениот театар во Тирана, синоќа се одржа првиот „Фолклорен фестивал на македонското малцинство во Албанија“. Честа да го отвори фестивалот му припадна на Театарот „Скрб и утеха” од Скопје, а многубројната публика со посебно внимание ги проследи и настапите на КУД „Илинден“ од Струга, како и фолклорните групи „Браќа Мемишовци“ од Орешек област Гора, фолклорна група од Требиште, област Голо Брдо, како и фолклорна група од Пустец, Мала Преспа, сите со македонски песни и ора од споменатите области. Македонскиот фолклор бил создаван и траел со векови. Тој ни овозможува да разбереме кои сме ние. Познавањето на фолклорот значи познавање на сите духовни и материјални богатства на народот.Живот на еден народ е претставен преку традиционалните носии, обичаите, ритуалите, приказните. Но, несомнено најмоќните, најизразените и најприродните алатки кои човекот никогаш не ги напуштил без оглед на времето, местото и возраста се народните песни и ора. Сценската изведба на народната музика создава нови културни перспективи. Токму со овој фестивал, се отвора можност за презентација на изворни и автентични содржини,-рече Никола Ѓурѓај, претседател на Македонското друштво „Илинден“-Тирана. Тој посочи дека фестивалот не само што се одржа за првпат,туку за првпат една ваква манифестација е подржана од страна на албанското министерство за култура до кое упати голема благодарост за подршка, со убедување дека подршката ќе продолжи и фестивалот ќе стане традиционален. Овој значаен културен настан за Македонците во Албанија го поздрави Еранда Бедали, преставник на албанското министерството за култура, која ја нагласи определбата на Владата на премиерот Еди Рама за подршка на активностите на припадниците на етничките заедници во негувањето и заштитата на нивниот национален идентитет, култура и традиција. Со посебно внимане настанот го проследија и Атина Ничоска, советник во амбасадата на Република Македонија во Република Албанија и Арманда Хиса, директорка на Националниот центар за фолклор на Албанија.

 
Нов Контакт – Македонија потпишаа Меморандум за соработка со Македонско друштво “Илинден“-Тирана PDF Печати Е-пошта
Понеделник, 24 Јуни 2019 10:56

 

Центарот за информативна поддршка – Нов Контакт – Македонија, од Скопје, преставуван од Претседател д-р Златко Николоски и Македонско друштво “Илинден“-Тирана, преставувано од Претседател г-дин Никола Ѓурѓај од Тирана, потпишаа Меморандум за соработка со цел заедничка промоција на македонските национални, традиционални и историски вредности (македонска култура, македонски јазик, традиции, фолклор) на национално и меѓународно ниво. Двете Здруженија покажаа интерес да изградат партнерство во спроведување на конкретни проектни активности со намера да ги остварат заедничките цели преку реализирање на взаемни проекти како и со цел да спроведуваат истражување, креирање, развој и промоција на социо-културни и економски политики со посебен акцент на унапредувањето на образовниот, економскиот, културниот и општествениот статус на сите категории на граѓани (децата, младите и возрасните), Размена на деца и младинци како учесници во разни манифестации како и промовирање и поддршка на научни, културно-уметнички, спортски и хуманитарни активности и манифестации, информирање на македонските граѓани во дијаспората / иселеништвото, и македонскo малциство во соседните земји. Со цел на зајакната соработка помеѓу двете здруженија Центарот за информативна поддршка – Нов Контакт – Македонија, на Македонско друштво “Илинден“-Тирана, донираше училишни помагала наменети за учениците во областа Голо Брдо во Албанија, и тоа: (македонска литература и граматика, лектири од македонски автори, букварки, боенки за помладите, прирачници за правилен македонски говор, македонски приказни, речници за македонски јазик, училишни ранци, пластични моливи, фломастери, тетратки, географски карти, блокови за цртање, читанки по македонски јазик и други училишни помагала). Донацијата се реализираше со активност на Центарот за информативна поддршка – Нов Контакт – Македонија, Просветно дело АД. Скопје, преставувано од г-дин Павле Петров, како и со поддршка на нашите соработници и донатори, г-дин Александар Пасков од Monthey – Швајцарија, и г-ѓа Ана Ванчева од Сиднеј – Австралија, а во соработка со Македонското друштво ,,Илинден”-Тирана, преставувано од Претседател г-дин Никола Ѓурѓај.

 
<< Почеток < Пред 1 2 3 4 5 6 7 8 9 10 Следно > Крај >>

Страница 6 од 87