Македонски (Macedonian)Albanian-ALEnglish (United Kingdom)
Дома

15894413 10210265541826869 1337301706468601472 n

logo-fakturi

Macedonians rights in Albania

Macedonians in Albania
 
Македонско друштво Илинден“-Тирана со свој преставниц учестуваше на работилници за деца PDF Печати Е-пошта
Четврток, 19 Септември 2019 15:10

Центарот за информативна поддршка Нов Контакт- Македонија, во периодот од 10-12 септември 2019 година започна со реализација на Проектот ,,Говорот на уметноста” во кој планирани се две работилници за деца и младинци љубители на уметноста за зајакнување на вештини за ликовна уметност, кои се одржуваат во ,,Етно село Кучково„ – Скопје, како и една изложба на слики насликани од учесниците на истите работилници. Особена чест ни преставува големиот интерес за учество на овој проект и тоа на учениците од СОУ ,,Перо Наков” од Куманово, ДСУ ,,Св. Наум Охридски“ – Скопје, студенти од факултетот за Бизнис студии ,,Еуро Колеџ“ – Куманово, како и ученици од повеке Основни училишта од Скопје.

На Проектот ,,Говорот на уметноста” имаше и преставници од македонската дијаспора и од Македонско национално малциство во сосеството и тоа г-ѓа Светлана Босилкова Далевска – Писателка од Германија, г-дин Георги Пасков од Флорида – САД, како и преставнци на Македонското друштво ,,Илинден“-Тирана од Албанија, и тоа: Елса Џелили, Сабина Џелили и Сара Џелили. Проектот се изведува под менторство на ликовен Уметник и хуманист г-дин Живко Поповски – Цветин од Скопје и професор Николина Милиќ од СОУ ,,Перо Наков“ – Куманово, а е координиран од Центарот за информативна поддршка Нов Контакт- Македонија. Проектот финансиски е поддржан од Министерството за Култура на Република Македонија како избран проект од национален интерес во културата за 2019 година.

 
Македонско друштво „Илинден“-Тирана, упати честитка до Васил Стерјовски PDF Печати Е-пошта
Четврток, 19 Септември 2019 15:04

Македонското друштво „Илинден“ со седиште во Тирана, упати честитка до Васил Стерјовски, по повод изборот за претседател на единствената македонска партија во Албанија, Македонска алијанса за европска интеграција (МАЕИ). Дозволете ми во мое лично име, во име на македонското друштво „Илинден“ и од името на припадниците на македонското национално малцинство во Албанија, да Ви го честитам изборот за претседател на Македонска алијанса за европска интеграција (МАЕИ), единствената македонска партија во Албанија. Делегатите на Конгресот,кој ги имаше од сите делови на Албанија, со едногласната подршка, избраа кој ќе ја води (МАЕИ) во наредните четири години,се наведува во честитката. Во исто време се нагласува подршката во напорите што партијата предводена од Стерјовски ќе ги вложува за унапредвање на правата на Македонците и зачувувањето на нивниот национален идентитет. Во вашето справување со предизвиците на Македонците во Албанија, како во остварувањето на нивните легитмни права така и во зачувувањето на македонскиот идентитет, ја имате нашата огромна поддршка. Напредокот и благосостојбата на македонскиот народ во Албанија претставува поттик за истрајност во напорите за негување и промоција на македонскиот национален, јазичен, културен и духовен идентитет.Ви посакувам голем успех, и убави дела, честа и достоинственоста да Ве следат и да се постојано со Вас. Ви ги упатам изразите на моето највисоко почитување.

 
Ѓурѓај му ја врачи почесната награда “Илинден” на Архимандрит Партениј PDF Печати Е-пошта
Среда, 18 Септември 2019 16:58
Претседателот на македонското друштво “Илинден” со седиште во Тирана, Никола Ѓурѓај беше во посета на Бигорски манастир и на игуменот Архимандрит Партениј лично му ј врачи почесната награда”Илинден”. Огромна чест ми беше што токму пред патронот на овој познат божји храм, Отсекувањето на чесната глава на неговиот славен патрон и небесен застапник, великиот пророк, претеча и крстител Господов Јован да се сретнам со отец Партениј и лично да му ја предадам наградата. Му посакав добро здрвје и успешно продолжување на неговата мисија,- рече Ѓурѓај.

На срдечниот разговор искажан е заеднички став за унапредување на соработката,но и продолжување на помошта што Бигорски ја дава за црквите каде што живеат Македонци. Наградата “Илинден” е воведена оваа година по повод јубилејот 10 години постоење на друштвото. Се доделува на личности кои дале посебен придонес за животот,историјата,културата и зачувувањето на автентичните традиции на Македонците во Република Албнија.
 
Честитка од Македонско друштво „Илинден“ за 8-ми септември денот на независноста на Македонија PDF Печати Е-пошта
Среда, 18 Септември 2019 16:41

Македонско друштво “Илинден“-Тирана и Македонско друштво “Илинден”-Огранок Голо Брдо ви го честитаме 8-ми септември денот на независноста на Република Македонија. Да е вечен да го почитуваме и славиме овој голем ден.

 
Честитка од Македонско друштво „Илинден“-Tирана по повод Успение на Пресвета Богородица PDF Печати Е-пошта
Вторник, 27 Август 2019 17:49

Во пресрет на утрешниот голем христијански празник Успение на Пресвета Богородица, македонското друштво „Илинден“-Тирана и огранокот за Голо Брдо, упатија честитка до Архиепископот охридски и македонски г.г. Стефан и до сите Македонци од православна вероисповед во Албанија и до сите Македонци каде и да се во светот. Во честитката се наведува дека празнувањето на успението на Богородица значи празнување и почитување на семејството и семејните вредности, на разбирањето и љубовта кон ближните и подготвеноста за надминување на искушенијата. Ваше Блаженство, дозволете ни, Вам лично, на сите Македонци каде и да се во светот, на членовите на Светиот архијерејски синод, да Ви упатиме искрени честитки по повод големиот христијански празник Успение на Пресвета Богородица. Празнувањето на успението на Мајката Божја значи празнување и почитување на семејството и семејните вредности, на разбирањето и љубовта кон ближните и подготвеноста за надминување на искушенијата,-стои во честитката. На овој голем празник, стои во честитката потпишана од претседателот на друштвото, Никола Ѓурѓај и на огранокот, Или Халилај, со силата на светото име на мајката Божја во нашите молитви да се помолиме за здравје, љубов и благодет кои ќе донесат мир во нашите семејства и во целиот свет. Голем број македонски семејства низ Албанија Денот го одбележуваат како домашна слава.

 
<< Почеток < Пред 1 2 3 4 5 6 7 8 9 10 Следно > Крај >>

Страница 3 од 87