Македонски (Macedonian)Albanian-ALEnglish (United Kingdom)
Дома

15894413 10210265541826869 1337301706468601472 n

logo-fakturi

Macedonians rights in Albania

Macedonians in Albania
 
Честитка од Македонско друштво „Илинден“-Тирана по повод големиот христијански празник Водици PDF Печати Е-пошта
Сабота, 18 Јануари 2020 15:17

Македонското друштво „Илинден“- Тирана и огранокот за Голо Брдо, од името на сите Македонци во Албанија, упати честитка до Поглаварот на МПЦ-ОА, неговото блаженство архипископ Охридски и Македонски г.г. Стефан и до сите православни верници по повод големиот христијански празник Водици. Богојавление е настан што просветлува и не поучува на прочистувањето кога постои вистинската верба,се наведува во честитката и се посочува дека радувајќи се на Исусовото крштевање и осветувајќи ги македонските води да си посакаме подобра иднина, знаење, мудрост и енергија, сила и верба за позитивните исчекори. Да се помолиме и да си посакаме убави празнични денови, а убавите мисли и дела, честа и достоинственоста да не следат и да се постојано со нас и оваа година. Бидете благословени и нека ни е честит големиот христијански празник,Ваше Блаженство. Бог се јави – навистина се јави – стои во честитката. Во духот на македонските обичаи и традиции празникот Водици се слави насекаде во Албанија каде што живеат Македонци, Мала Преспа, Голо Брдо, Врбник и во поголемите градови низ Албанија. Крстот украсен со босилок во Голо Брдо, порано кога православните биле во голем број се фрлал во реките, но сега тоа се прави симболично во поголем сад со вода, додека во Мала Преспа традиционално сите села фрлаат крст во водите на Преспанско Езеро.

 
Честитка по повод Св.Василиј – Василица и Стара нова година од Македонското друштво „Илинден“-Тирана PDF Печати Е-пошта
Сабота, 18 Јануари 2020 15:10

Македонско друштво “Илинден”-Тирана и Македонско друштво “Илинден”-Огранок Голо Брдо ви честита Св.Василиј – Василица и Стара Нова година 2020 година со желба за многу лични успеси и бериќетна година!

 
Македонското друштво „Илинден“-Тирана им го честиташе изборот на Османи и на Тола PDF Печати Е-пошта
Сабота, 18 Јануари 2020 14:40

Македонското друштво „Илинден“-Тирана од името на Македонците во Албанија го поздрави изборот на двајцата Македонци,Едмонд Османи и Алтин Тола за амдинистратори на административните единици Требиште, односно Острени, областа Голо Брдо. При тоа се искажува убеденост дека тие „доследно,одговорно и со успех“ ќе ја извршуваат оваа многу значајна функција. Дозволете ми во мое и во име на македонското друштво „Илинден“, но, пред се сите Македонци во Албанија,да упатам срдечни и искрени честитки за вашиот избор на овие значајни функции,со убеденост во успешна реализација на вашите заложби. Веруваме дека заедно со соработниците ќе работите за подобрување на условите за живот, како и на правата и положбата на Македонците жители во оваа област - стои во честитката потпишана од претседателот на дрштвото, Никола Ѓурѓај. Се искажува целосна подршка и определба за добра соработка со друштвото,кое свој огранок има и во Голо Брдо, чиј претседател е Или Халилај. Со решение на градоначалникот на општина Булќиза, Лефтер Ала, а во согласност со Владата во Тирана, Едмонд Османи и Алтин Тола, се назначени за администратори на админстративните единици Требиште (со шест села) односно Острени (12 села). Ова е одговорна функција, бидејќи сите надлежности околу функционирањето на администратвната единица се на администраторот. Просторно сме во објектите на поранешните општина, сите протории се функционални и се сместени службите за социјална заштита, урбанизам како и други служби, изјави Османи за Македонски весник „Илинден“ по назначувањето. Административните единици Требиште и Острени всушност се некогашните истоимени општини,кои беа укинати со законот за територијална поделба, а кои сега потпаѓаат под општина Булќиза.

 
Честитка за Божик од Македонското друштво „Илинден”-Тирана PDF Печати Е-пошта
Понеделник, 06 Јануари 2020 22:30

Почитувани Македонци и Македонки, во името на Македонско друштво “Илинден”-Тирана и Македонско друштво “Илинден”- Огранок Голо Брдо ви честитамe Раѓањето Христово - Божик. Нека е честит празникот и за многу години. Христос се роди! Навистина се роди!

 

Македонско друштво “Илинден”-Тирана
Претседател Никола Ѓурѓај

 

Македонско друштво “Илинден”- Огранок Голо Брдо
Претседател Или Халилај

 
Честитка од Македонско друштво “Илинден”-Тирана за Божик и Нова Година 2020 PDF Печати Е-пошта
Вторник, 24 Декември 2019 10:44

 

Македонско друштво “Илинден”-Тирана и Македонско друштво “Илинден”-Огранок Голо Брдо ви честита Божик и Нова Година 2020 година, со желба за многу лични успеси и бериќетна година!

Македонско друштво “Илинден”-Тирана
Претседател Никола Ѓурѓај

Македонско друштво “Илинден”-Огранок Голо Брдо
Претседател Или Халилај

 

 
<< Почеток < Пред 1 2 3 4 5 6 7 8 9 10 Следно > Крај >>

Страница 1 од 90